Seniorkonsulent (100% vikariat)

Seniorkonsulent (100% vikariat)

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Seniorkonsulent 

Ved Det medisinske fakultet, Institutt for global helse og samfunnsmedisin (IGS), er det ledig eit vikariat som seniorkonsulent (100 %) med tilsetjing så snart som mogleg, og varigheit til 18. februar 2025. Instituttet er ein del av Alrek helseklynge. Stillinga inneber koordinering av praksis i allmennmedisin for medisinstudentar, i tillegg til generell emneadministrasjon for emne tilknytt medisinstudiet.

Arbeidsoppgåver:

• Saksbehandlingsoppgåver, utgreiings- og utviklingsoppgåver som krev stor grad av sjølvstende og problemløysing.
• Koordineringsfunksjonen for praksis i allmennmedisin for medisinstudentar går ut på, saman med fylkeskoordinatorane, å halde god kontakt med legekontor frå Vest-Agder, Rogaland, og Vestland, som har studentar i praksis, i tillegg til å arbeide for å utvide nettverket av praksisplassar.
• Stillinga inneber også kommunikasjon med studentane og praksisrettleiarane, og koordinering av 2 x 6 veker praksis haust og vår for medisinstudentar i 11. semester.
• Administrativ koordinering av emne tilknytt medisinstudiet. Dette inneber blant anna timeplanlegging, semesterkoordinering, eksamensarbeid og studentkontakt.
  
  Det kan verte aktuelt å leggje andre oppgåver til stillinga.

Kvalifikasjonar og eigenskapar:

• Søkjar må ha mastergrad. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
• Det er ein føremon med erfaring frå studie- eller forskingsadministrasjon
• Bakgrunn frå, eller kjennskap til, helsesektoren vil vera ei føremon
• God evne til å kommunisere skriftleg og munnleg på norsk og engelsk og god administrativ IT-kompetanse

Vi søkjer ein person som:

• Har gode kommunikasjons- og samarbeidseigenskapar
• Har digital kompetanse og evne til å tileigne seg nye ferdigheiter
• Har engasjement og interesse for studiearbeid
• Har evne til å jobbe sjølvstendig og strukturert
• Er løysingsorientert, initiativrik, serviceinnstilt og har god gjennomføringsevne
• Har evne og vilje til raskt å setje seg inn i nye saksfelt og vere kvalitetsbevisst
  
  Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi kan tilby:

• Spanande og utviklande arbeidsoppgåver i eit sterkt fagmiljø
• Løn som seniorkonsulent (kode 1363) er for tida kr 557 100 - 615 700 (lønssteg 57 - 63). For særs kvalifisert søkjar kan høgare løn vurderast.
• Medlemsskap i Statens pensjonskasse (https://www.spk.no/)
• Gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å vende seg til: studiekoordinator Kirsti Nordstrand på mail: kirsti.nordstrand@uib.no eller tlf: 55585449

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
 

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her (https://www.uib.no/foransatte/74251/ansettelsesprosessen).