Controllar

Arbeidsgiver: Helse Bergen
Stillingstittel: Controllar
Frist: 04.12.2023
Ansettelsesform: Fast

Bli kjent med Haukeland universitetssjukehus

Vil du sikre god økonomi- og ressursstyring i forskningsprosjekta ved Haukeland universitetssjukehus?

Helse Bergen søkjer ny controller/ forskningscontrollar i fast stilling. Vi er på jakt etter deg som er sterk i økonomifaget, har gode analytiske evner og som samtidig likar å arbeide tverrfagleg. Du får ein spennande jobb med stor samfunnsnyttig verdi.

Som controllar ved Haukeland universitetssjukehus møter du ein fleksibel arbeidsgivar, eit triveleg arbeidsmiljø og eit kompetent fagmiljø. Du må kunne arbeide sjølvstendig, meistre å bli tildelt ansvar og trivast med å lære nye ting.

Som tilsett i Seksjon for økonomistyring er du ein sentral bidragsytar for å sikre best mogleg ressursutnytting innanfor dei økonomiske rammene som er tilgjengeleg for sjukehuset. Dette inneber planlegging og budsjettering, løpande oppfølging og rapportering, analysar og utgreiingsarbeid. Vi er nærare 30 tilsette økonomar i seksjonen.

Arbeidsoppgåver

Du vil i hovudsak jobbe med økonomioppfølging i forskingsprosjekta våre, men det vil også vere aktuelt å ha økonomioppfølgingsansvar for ei eller fleire einingar på sjukehuset. Som forskingscontroller vil du ha eit særskilt ansvar for å vidareutvikle rutinar for god økonomioppfølging og rapportering i forskingsprosjekta. Du vil jobbe tett med seksjon for forsking og innovasjon og einingane som har ansvar for å gjennomføre forskingsprosjekta.

Oppgåver vil vere:

Sikre oppfølging og rapportering på forskingsprosjekta i tråd med krav som er sett i tildelinga for EU finansierte prosjekt, prosjekt finansiert gjennom Norsk forskningsråd, private aktørar mm
Budsjettering, oppfølging og rapportering på eksternfinansiert forsking
Bygge opp kompetanse på forskingsøkonomi og sikre kunnskapsdeling
Delta i utarbeiding av forskingsadministrative rutinar i føretaket
Analyse, oppfølging og rapportering av økonomi, bemanning og aktivitet
Identifisering av avvik og moglege tiltak, samt utarbeide beslutningsgrunnlag for leiar
Støtte leiinga med økonomifagleg rådgiving og analyse

Kvalifikasjonar

Økonomisk utdanning på høgare nivå, fortrinnsvis mastergrad
God kompetanse i bruk av elektroniske styringsverktøy og excel
Fordel med erfaring med samarbeid og rådgivning på tvers av fagtilhørigheit
Fordel med erfaring frå forskingsøkonomi med eksternfinansiering, til dømes frå EU og NFR.

Personlege eigenskapar

Du må vere sjølvgåande, fleksibel og proaktiv med gode relasjons- og samarbeidsevner
God til å kommunisere, utfordre og motivere
Evne å omsetje analyser til praktiske råd og tiltak
Du jobbar systematisk, nøyaktig og strukturert
God skriftleg og munnleg framstillingsevne
Kunne prioritere og evne å sjå kva som er vesentleg og viktig

Vi tilbyr

Konkurransedyktige vilkår i ein utviklingsorientert organisasjon
Spennande, viktige og utfordrande arbeidsoppgåver
Stort og godt fagmiljø
Triveleg arbeidsmiljø

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: 5021 Bergen
Bransje: Helse og omsorg
Stillingsfunksjon: Økonomi og regnskap / Controller
Arbeidsspråk: Norsk