Vatn og avløp, Kommunalområde Samfunn

Vi treng deg som er god til å leie folk og prosjekt!

Verksemd Vatn og avløp sitt hovudoppdrag er å sikre innbyggarane i Ålesund kommune reint drikkevatn og avløpshandtering som ikkje forureinar elvane, fjordane og fjørene våre.

Vi søkjer avdelingsleiar for vår nye driftsavdeling, Avdeling Drift vatn og avløp. 

Avdelinga har i dag til saman 50 tilsette og er inndelt i fire fagteam: Vassbehandling, Avløpsreinsing, Leidning/pumper og Driftsstøtte. Desse teama har kvar sin fagleiar som har avgrensa personal- og økonomiansvar.

Avdelinga sitt ansvarsområde er trygg og effektiv drift av all VA-infrastruktur og å sikre koordinering og godt samarbeid på tvers av fagområda. Dette inkluderer drift og prosjekt av ulikt omfang, og at forvaltning av drikkevatnet og avløpsreinsing skjer på ein miljømessig forsvarleg måte. Vi skal i gang med fleire store prosjekt som til dømes det nye felles hovudrenseanlegget for Sula og Ålesund kommune på Kongshaugen, og nytt vassrenseanlegg i Fremmerholen.

Verksemdsleiar er næraste overordna, og du vil ilag med han og to andre avdelingsleiarar utgjere verksemda si leiargruppe.

Som leiar må du vise retning mot felles mål i tråd med Ålesund kommune sin visjon og verdiar. Visjonen vår er: Nasjonal slagkraft, regional attraktivitet og lokal identitet. Vi forventar at du er etisk bevisst og at du kan identifisere deg med verdiane våre Open, engasjert og modig.

Arbeidsoppgåver

• overordna organisering, leiing, fordeling og kontroll av arbeidsoppgåver
• ivareta fag, økonomi og personalansvar
• utvikle driftsorganisasjonen med fokus på arbeidsmiljø, kompetanse, HMS og kvalitet
• tverrfagleg samarbeid mellom einingar, kommunar, akademia og leverandørar
• sikre at tenester og oppgåver vert levert i tråd med lov, forskrift m.m

Kvalifikasjonar

• relevant utdanning frå høgskule/universitet, primært frå tekniske fag, men søkjarar med anna utdanningsbakgrunn kan også søkje
• det er ønskjeleg med formell leiarkompetanse, og leiarerfaring der du også har hatt personal- og økonomiansvar.
• erfaring frå prosjektleiing vil bli vektlagt
• god digital kompetanse
• god munnleg og skriftleg framstillingsevne – på norsk
• sertifikat klasse B

Personlege eigenskapar

Vi ser etter deg som har vilje og evne til å

• vere ein tydeleg og inkluderande leiar i god dialog med dei tilsette
• engasjere og motivere, skape tillit og lagånd
• arbeide sjølvstendig, strukturert og målretta og samhandle godt med eksterne og interne samarbeidspartar
• kontinuerleg tilpasse og utvikle avdelinga og arbeidsmåtar til nye behov og krav
• jobbe strategisk, langsiktig og heilskapleg

Vi tilbyr

• varierte og spennande leiaroppgåver med fokus på miljø og kvalitet
• gode moglegheiter for fagleg utvikling og vidareutdanning
• leiarnettverk og fagleg- og administrativ støtte.
• høve til heimekontor i samsvar med retningslinjer
• løn etter avtale
• gode pensjons- og forsikringsordningar