Gruppeleiar for studieadministrasjon ved Institutt for biomedisin

Studiekoordinator (gruppeleiar) ved Institutt for biomedisin

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Rådgjevar 

Ved Det medisinske fakultet, Institutt for biomedisin, er det ledig ei 100 % fast stilling som gruppeleiar for studieadministrasjon (studiekoordinator, rådgjevar). Stillinga passar særs bra for deg som er fleksibel, liker variasjon og tek ei utfordring på strak arm. Du må arbeide nøyaktig og effektivt, halde hovudet kaldt i hektiske periodar og bidra til det faglege og sosiale fellesskapet.

Instituttadministrasjonen gjev administrativ støtte til fagmiljøet innan studieadministrasjon, forskarutdanning, forskingsadministrasjon, personaladministrasjon, økonomiforvaltning og prosjektstyring. Den utlyste stillinga vil ha ansvarsområde knytt til administrativt arbeid for instituttet sine ulike studieprogram. Næraste leiar er administrasjonssjefen ved instituttet.

Institutt for biomedisin har som oppgåve å drive medisinsk forsking, rettleiing og undervising på høgt internasjonalt nivå for å oppnå fakultetets visjon «ny kunnskap for betre helse». Instituttet gjer det meste av forskinga si på biologiske mekanismar innan mennesket si helse og sjukdom, og har viktige oppgåver både i legeutdanninga, mastergradsutdanning og ph.d.-utdanning innan medisin, farmasi, ernæring og odontologi. Institutt for biomedisin er eit av fem institutt ved Det medisinske fakultet.

Arbeidsoppgåver:

• Arbeidsleiar for studieadministrasjonen (6 personar)
• Bindeledd mellom instituttet og fakultet innan det studieadministrative feltet
• Vere instituttet sin ressursperson i studieadministrative spørsmål, i nær dialog med fagleg leiing
• Koordinere dei studieadministrative oppgåvene ved instituttet
• Ha hovudansvar for administrasjon av nokre av emna ved instituttet
• Ansvar for å koordinere administrasjon av instituttet sine emne
• Web og formidling
• Ansvar for utvikling, iverksetting og oppfølging av studieadministrative prosedyrar og rutinar i samsvar med dei retningsliner og reglar som gjeld ved universitetet
• Høgt kvalifiserte saksbehandlingsoppgåver, utgreiings- og utviklingsoppgåver som krev stor grad av sjølvstende og problemløysingsevne

Alle tilsette i administrasjonen vil, i tillegg til spesifikke funksjonar lagt til stillinga, måtte ta del i andre administrative oppgåver.

Det kan bli aktuelt å leggje andre oppgåver til stillinga.

Kvalifikasjonar og eigenskapar:

Søkjarar må ha:

• Mastergrad eller tilsvarande utdanning tilpassa dei oppgåvene stillinga skal dekke. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning
• Relevant erfaring frå studieadministrativt arbeid er eit krav
• Erfaring med sakshandsaming
• Evne til å uttrykke seg godt skriftleg og munnleg på norsk (begge målformer) og engelsk

 

Det er ønskeleg at søkjarar har:

• Erfaring frå arbeid med koordinering og teamarbeid
• Erfaring med og kjennskap til fellessystema som UiB nyttar til studieadministrativt arbeid (FS, Mi side, ePhorte og andre)
• Interesse for helsefagleg utdanning

 

Vi søkjer ein person som

• Arbeider sjølvstendig og målretta
• Har evne til å prioritere og trivst med å halde orden på fleire parallelle prosessar og aktivitetar
• Har evne til å motivere andre
• Er fleksibel, effektiv, ansvarsbevisst og initiativrik
• Set seg raskt inn i nye saksfelt og har evne til problemløysing
• Har god digital kompetanse og evne til å tileigne seg nye ferdigheiter
• Har god gjennomføringsevne og stor arbeidskapasitet
• Har svært gode kommunikasjons- og samarbeidseigenskapar

 

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi kan tilby:

• Spanande og utviklande arbeidsoppgåver i eit sterkt fagmiljø
• Løn som rådgjevar (kode 1434)  615 799 - 667 700 (lønssteg 63 - 68). For særs kvalifisert søkjar kan høgare løn vurderast.
• Medlemsskap i Statens pensjonskasse (https://www.spk.no/)
• Gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å vende seg til: fungerande administrasjonssjef ved Institutt for biomedisin, Anita H. Garden, e-post: anita.garden@uib.no, tlf. 480 65 865.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her (https://www.uib.no/hr/74251/ansettelsesprosessen).

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.Det medisinske fakultet består av fem institutt og åtte senter. Les meir om fakultet og tilhøyrande institutt.