Er du Voss herad sin nye leiar for Barne- og familietjenestene? Sjå her!

Spanande og utfordrande stilling som gir rom for fagleg og personleg utvikling!

Som leiar i Voss herad blir du ein del av eit engasjert og stort fagmiljø som delar kunnskap og arbeidar tett saman. Leiar for Barne- og familietenesta sit i leiargruppa til Kommunalsjef oppvekst. I denne leiargruppa sit også leiar for skulane- og leiar for barnehagane på Voss.

Du vil få kontorplass på Voss tinghus saman med resten av administrasjonen i heradet og oppvekstavdelinga. Barne- og familietenestene er samlokalisert i Knutepunktet, fem minutt å gå frå Tinghuset, du vil difor også ha mykje av arbeidstida di her.

Voss herad er ein BTI-kommune (betre tverrfagleg innsats) der føremålet er å kvalitetssikra heilskapleg og koordinert innsats utan brot i oppfølginga. Som leiar vil du ha ei sentral rolle i utviklinga av tenestene og avdelinga slik at me lukkast med å gje innbyggjarane rett hjelp til rett tid. Barnevernsreforma er døme på eit overordna rammeverk som avdelinga må omsetja til konkrete tiltak for tenestene i Voss herad.

Arbeidsoppgåver:  

• Som leiar for tenesteområdet, Barne- og familietenestene, er du næraste leiar for leiarane i barneverntenesta, integreringstenesta, helsestasjonen og pedagogisk- psykologisk tenestekontor (PPT).
  I tillegg er du næraste leiar for dei fire kommunepsykologane. Voss herad sel PPT og kommunepsykolog-tenester til Eidfjord og Ulvik.
• Det kan også verte aktuelt å innlemma vaksenopplæringa som ein del av Barne- og familietenestene.
• Leiar for Barne og familietenestene rapporterer til kommunalsjef oppvekst. Leiar vil få ansvar for utvikling av tenestene i tett samarbeid med einingane som ligg under tenesteområdet.
  Stillinga inneber administrativt, økonomisk og fagleg ansvar for tenestene i avdelingane og samhandling mellom dei.
• Etablering og formalisering av samarbeid både internt i oppvekst og ekstern med aktuelle samarbeidspartar, vil vera ei sentral oppgåve.

Kvalifikasjonar:

• Relevant høgare utdanning, fortrinnsvis på masternivå, innan leiing og/eller relevante fag for dei tenestene du skal leia.
• Det er ynskje om leiarerfaring og kjennskap til fagfeltet og kommunal sektor og at du kan kan visa til resultat i arbeid knytt til samhandling og innovasjon.

• Erfaring frå leiing i kunnskapsorganisasjonar
• Kjennskap til offentleg sakshandsaming

Personlege eigenskapar

• Du er ein initiativrik medarbeidar med høg integritet.
• Du har evna til å tenkje overordna og strategisk, samstundes som du må gje leiarstøtte til leiarane under deg.
• Du har ein visjon om å skapa gode tenester med brukar i sentrum, ha evna til å inspirera sine tilsette og arbeida målretta og systematisk
• Du har god skriftleg og munnleg framstillingsevne
• Du  har god gjennomføringsevne og gode samarbeidsevner

Menn vert oppmoda til å søkja

Me tilbyr

• Interessante og utfordrande arbeidsoppgåver
• Gode utviklingsmoglegheiter, både fagleg og personleg
• Høve til å påverka eigen arbeidskvardag
• Fleksibel arbeidstid
• Eit spanande fagmiljø med dyktige kollegaer
• Heimekontor etter avtale
• God pensjonsordning
• Gode lønnsvilkår
• Eit godt fagleg og sosialt miljø
• Sjølvstendige arbeidsoppgåver
• Ein fagleg utfordrande og spennande jobb i et aktivt miljø

 Søknad

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver vennleg og legg ved vitnemål og attestar til søknaden.