Service Engineer Automation

Likar du å arbeide med avanserte tekniske løysingar for framtidas grøne fartøy?

Ulsteins engasjement for innovasjon, pålitelegheit og fornøgde kundar gjer oss til ein partnar å stole på i den maritime industrien. Våre integrerte løysingar gjer det mogleg for skipseigarar å oppnå nye nivå av effektivitet, redusere kostnader og ta betydelege steg mot ei meir berekraftig framtid.

Ulstein Power & Control, er Ulstein Group sitt systemintegrasjon- og serviceselskap, som leverer avanserte og optimaliserte kraft- og automasjonssystem til kundar i inn- og utland.

I stillinga som Service Engineer Automation, vert du ein del av eit kunnskapsrikt og innovativt miljø. Service-teamet har ein sentral funksjon i selskapet og leverer tenester til nybygg, Retrofit og service. Du vil få ein spennande og innhaldsrik arbeidskvardag, i tett samarbeid med engasjerte og dyktige kollegaer.

Vi ser etter ein kandidatar som ønsker å påverke og skape resultat i samarbeid med andre.

Ulstein Power & Control har hovudkontor i Ulsteinvik, og avdelingskontor ved Moa i Ålesund.

Arbeidsoppgåver

• Oppstart på automasjonssystem for nybygg og Retrofit automasjon
  
• Servicearbeid og fjernstøtte på automasjonssystem på seglande portefølje
  
• Utarbeiding av teknisk underlag, testing og verifikasjon av nye løysingar i lab og oppstart av desse
  
• Handtering av kundeførespurnader i saksbehandlingssystemet
  
• Stillinga inneber reiseaktivitet

Kvalifikasjonar

• Teknisk utdanning
  
• Erfaring frå installasjon, oppstart av og service på skipsautomasjonssystem eller liknande er ein fordel
  
• Erfaring med engineering av skipsautomasjonssystem
  
• Erfaring med programmering av PLC- og Scada-system
  
• Gode språkkunnskap i norsk og engelsk
  
  

Personlege eigenskapar

• Gode evner til kommunikasjon og samarbeid
  
• Løysingsorientert
  
• Evne til å arbeide strukturert og sjølvstendig i ein hektisk kvardag
  
• Vilje til å søke ny kunnskap og dele erfaringar

Vi tilbyr

• Sterkt fagleg miljø og høve til personleg utvikling
  
• Godt arbeidsmiljø
  
• Konkurransedyktige vilkår
  
• Fleksitidsavtale

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre.

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.



Ulstein Power & Control AS tilbyr service og ombygging av kraftpakkar og marine automasjonssystem. Selskapet er ein del av forretningsområdet Design & Solutions, som tilbyr design og løysingar for offshoreenergimarknaden (vind, olje og gass), ekspedisjonscruise og fiskeri.