Controllar logistikk

Sjukehusapoteka Vest HF (SAV) er eit av fem sjølvstendige helseføretak eigd av Helse Vest RHF. Sjukehusapoteka er del av spesialisthelsetenesta og skal sørgje for at sjukehus og pasientar i Vestland og Rogaland vert sikra legemiddel og høg farmasøytisk kompetanse og tenester. Vår ambisjon er å vere fagleg i front, nasjonalt og internasjonalt i sikker og fremtidsretta legemiddelforsyning. I pasientbehandlinga leverer vi høgspesialiserte tenester på mange fagfelt.

Våre sjukehusapotek finn du på Haukeland universitetssjukehus i Bergen, Førde Sentralsjukehus, Haugesund sjukehus, Stavanger universitetssjukehus og på Haraldsplass Diakonale Sjukehus i Bergen.
Stillinga som controllar logistikk er del av kjedekontoret som jobbar med utvikling og drift av fleire av apotekas kjernesystem, mellom anna Farmapro, Libra, Castor, Meona, Tønsys og Cytodose. Kjedekontoret har sterk fagkompetanse innafor implementering og forvalting av systema og vår nye controllar må førebu seg på tett samarbeid med dyktige kollegar. Vår nye kollega må trivs med hektiske periodar og evnar å prioritera oppgåver etter behov. Apoteka er i teknologisk front med lagerrobotar og på sikt pakkemaskiner, og det er eit føremon om ein har interesse for digitale verktøy og utvikling.

Stillinga som controllar logistikk er lagt til økonomi- og IKT-avdelinga ved føretaksadministrasjonen i Bergen. Økonomi og IKT-avdelinga har 11 årsverk og stillinga rapporterar til økonomi- og IKT-direktør.

Arbeidsoppgåver

• Planleggje og bidra til god styring og intern kontroll av inngåande varelogistikk og lagernivå ved aktivt å forvalte, tilpasse og forbetre rutinar og prosessar.
• Bidra til vidareutvikling av MRP-funksjon og bestillingsrutinar gjennom implementering av ny funksjonalitet i SAP.
• Utarbeide analysar og status-rapportar for å sikre effektivitet og lønnsemd innen logistikkområdet.
• Følgje opp masterdata knytt til vare-og logistikkområdet og bistå i driftsutfordringar i samarbeid med Kjedekontor (driftskontor).
• Delta i relevante forum i Helse Vest og prosjektarbeid i føretaket, i regional eller nasjonal regi.
• Rettleiing og opplæring, samt dagleg brukarstøtte.

Kvalifikasjonar

• Det er ynskjeleg med utdanning innan logistikk, økonomi eller ingeniørfag på minimum bachelornivå.
• Det er ynskjeleg med svært god kompetanse i Excel, matematikk og statistikk.
• Stillinga krev erfaring frå moderne ERP-systemer, primært SAP, men erfaring frå anna ERP system er og av interesse.
• Erfaring med Business Intelligence-verktøy er ein fordel.
• Erfaring frå logistikkarbeid på eit overordna nivå, gjerne innan varehandel eller tilsvarande.
• Det er ynskjeleg med erfaring frå prosessbasert arbeid, gjerne frå prosesstyrt verksemd.
• Erfaring frå prosjektarbeid er ein fordel.
• Gode norsk språkkunnskapar, både munnleg og skriftleg.

Personlege eigenskapar

• Gode kommunikasjons- og samarbeidseigenskapar med god munnleg og skriftleg framstillingsevne.
• Systematisk, strukturert og løysingsorientert.
• Analytisk, med evne til å sjå heilskap så vel som detaljar.
• Du er framoverlent og taklar høgt arbeidstempo i periodar.
• Vi ser gjerne at du er initiativrik, sjølvstendig og bidreg til eit positiv arbeidsmiljø.

Vi tilbyr

• Ei utfordrande og spanande stilling.
• Eit godt og uformelt arbeidsmiljø.
• Moderne arbeidslokalar i Møllendalsbakken 9.
• Løn etter avtale.
• Gode pensjons- og forsikringsordninger.
• Fleksibel arbeidstidsordning.

Ver venleg å laste opp attestar, vitnemål og eventuell anna relevant dokumentasjon i søknaden.

Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Sjukehusapoteka Vest (SAV) er eit helseføretak i Helse Vest med om lag 300 tilsette som leverer legemiddel, apotekvarer og farmasifaglege tenester til spesialisthelsetenesta på Vestlandet. Omsetning er på vel 1,5 milliardar kroner. Føretaket har administrasjon i Bergen, og driv fem sjukehusapotek i Førde, Bergen, Haugesund og Stavanger. Sjukehusapoteka Vest satsar på nye teknologiske løysingar og på tenester som bidreg til auka pasienttryggleik, betra kvalitet og meir effektive tenester i sjukehusa.

Sjukehusapoteka Vest HF skal så langt råd er avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

Sjå nettsida vår for meir informasjon www.sjukehusapoteka-vest.no