Rådgjevar - Oppfølgingtenesta

Avdeling for opplæring og kompetanse - Rettleiingstenesta Bergensområdet nord - Vestland fylkeskommune.

Rettleiingstenesta er ei brukarnær teneste i vidaregåande opplæring i Vestland fylkeskommune. Primæroppgåva til tenesta er å leggje til rette for at flest mogleg ungdom og vaksne fullfører vidaregåande opplæring. Vi har eit nært samarbeid med skulane, kommunar, NAV og andre aktuelle instansar. Vi skal medverke til lærelyst og fremje læring for elevar og lærlingar. Dette gjer vi gjennom å følgje opp lærlingar, støtte ungdom utanfor opplæring, rettleie vaksne og yte pedagogisk psykologiske tenester. Tenesta består av eit tverrfagleg team innan fagfelta pedagogisk-psykologisk teneste (PPT), psykologteam, oppfølgingstenesta (OT), opplæring i bedrift (OiB) og vidaregåande opplæring for vaksne (VO).

Rettleiingstenesta Bergensområdet nord dekkjer kommunane Alver, Austrheim, Fedje, Gulen, Masfjorden, Modalen, Osterøy, Samnanger, Kvam og Arna og Åsane bydel. Vi har kontorstad i nye Åsane vidaregåande skule.

Rettleiingstenesta (RLT) Bergensområdet nord har ledig 100 % stilling som OT-rådgjevar i eit års vikariat.

Arbeidsoppgåver

Som OT-rådgjevar vil du ha følgjande arbeidsoppgåver:

• hjelpe ungdom tilbake i vidaregåande opplæring, slik at dei gjennomfører og sit igjen med studiekompetanse, yrkeskompetanse eller grunnkompetanse
• etablere kontakt med og halde oversikt over ungdomar i målgruppa
  
• formidle tilbod om opplæring, arbeid eller kompetansefremjande tiltak, eller kombinasjonar av desse
• halde kontakt med og bruke tilgjengelege nettverk til å skape og formidle tilbod til ungdom utanfor opplæring og arbeid
  
• vere kontaktperson for skular
  
• koordinera og samhandla tiltak rundt ungdomane
  
• samhandle tett med skular, NAV og andre offentlege instansar
  
• bidra til å skape fleirfagleg kompetanse i rettleiingstenesta
  
• Generelt sett forventar vi at du skal medverke til at rettleiingstenesta leverer tenester med høg fagleg kvalitet og arbeide førebyggande for at ungdom gjennomfører vidaregåande opplæring.

Kvalifikasjonar

• Utdanning frå universitet eller høgskule i relevante fag, gjerne yrkesfagleg bakgrunn
  
• Kjennskap til utdanningssystemet
  
• Rettleiingskompetanse/karriereveiledning
  
• Kjennskap til praksisfeltet og arbeidsmarknaden
  
• Kunnskap om lov, regelverk og offentleg forvaltning
  
• God munnleg og skriftleg framstillingsevne i norsk
  
• Førarkort kl.B. da stillinga inneber mye reiseverksemd

Personlege eigenskapar

• lærevillig, fleksibel og evne til å tileigne seg ny kunnskap
  
• er reflektert og løysingsorientert
  
• er inkluderande og byggjer gode relasjonar
  
• har gode kommunikasjonsevner og evne til samarbeid
  
• har stort engasjement og evne til å motivere
  
• evne til å arbeide med og løyse problemstillingar i team
  
• arbeider strukturert, systematisk, sjølvstendig og målretta personlege eigenskapar vert vektlagt

Vi tilbyr

• Løns- og arbeidsvilkår i samsvar med gjeldande avtalar i Vestland fylkeskommune
  
• Utfordrande og varierte arbeidsoppgåver i eit tverrfagleg arbeidsfellesskap
  
• Vi legg til rette for rettleiing og opplæring

Andre opplysningar

Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.
Den som skal tilsetjast må leggje fram godkjent politiattest.
Andre oppgåver i rettleiingstenesta kan vera aktuelle.
Ein kan bli tilsett i annan nemning enn rådgjevar.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.