Eidfjord kommune lyser ut 100 % fast stilling som næringsrådgjevar

Om stillinga

Eidfjord kommune har oppretta ein ny stilling som næringsrådgjevar som vil vera knytt til eining for kultur, næring og berekraft. Stillinga vil arbeida tett opp mot rådmann og andre einingar og fagavdelingar. 

Eidfjord kommune legg vekt på berekraftig samfunnsplanlegging der næring og destinasjonsutvikling gjev grunnlag for eit livskraftig lokalsamfunn der me kan bu og leva gode liv heile året.  

Næringslivet i Eidfjord har hovudtyngda innan turisme og reiseliv, spesielt i sommarhalvåret. Det vil vera ein viktig del av lokalsamfunnsutviklinga at me får større breidde av næringsverksemder som bidreg til heilårsarbeidsplassar.  

Næringsrådgjevaren vil vera næringslivet si inngangsdør til kommunen, og koordinera inn mot andre fagområde. I tillegg ligg det ein del sakshandsaming til stillinga.  

Arbeidsoppgåver

• Kontaktperson mot nye og etablerte verksemder 
• Rettleiing og rådgjeving for næringsdrivande 
• Koordinera førespurnadar som omfattar fleire fagavdelingar 
• Ansvar for sakshandsaming av tilskotsordningar 
• Utforming og oppfylging av næringsstrategi og handlingsplanar 
• Bidra til næring- og destinasjonsutvikling saman med naturlege samarbeidspartar 
• Aktiv medverknad i kommunalt, regionalt, nasjonalt og internasjonalt samarbeid og verkemiddelapparat 
• Nyoppretta stilling med store moglegheiter for vidareutvikling av stillinga sitt innhald

Kvalifikasjonar

• Relevant utdanning på minimum bachelornivå 
• Erfaring frå næringsarbeid, offentleg forvaltning, eller annan relevant erfaring kan kompensere for formelle krav 
• God kjennskap til, og forståing for, grensesnittet mellom næringsliv, offentleg forvalting og politikk 
• Erfaring med forretningsutvikling og prosjektarbeid 
• Gode samarbeidsevne og gjennomføringskraft 
• Gode kommunikasjonsevne, skriftleg og muntleg 
• Krav til førerkort for bil 
• Stillinga vil kreva ein del reising og møte på kveldstid 

Personlege eigenskapar

• Evne til å arbeida strategisk, analytisk og løysingsorientert med ei god heilskapstolking 
• Gode kommunikasjons, samarbeidsevne og god gjennomføringskraft 
• Kunne jobba sjølvstendig og strukturert, samstundes som du trivst med teamarbeid 
• Evne til å arbeida under press og med fleksibilitet i forhold til eigne arbeidsoppgåver 
• Personlege eigenskapane vert vektlagt  

Me kan tilby

• Spanande jobb med påverknadskraft på arbeidsoppgåvene 
• Varierte arbeidsoppgåver i eit utviklingsorientert miljø 
• Gode moglegheiter til eigenutvikling og kompetanseutvikling 
• Løn etter avtale
• Pensjonsordning i KLP 
• Fleksibel arbeidstid 

Me ser etter deg med:

Interesse for næringsretta arbeid, med god forståing for offentleg forvaltning og planlegging. Du vil vera eit aktivt bindeledd mellom næringsliv og kommunen, og arbeida strategisk og langsiktig. Me ser etter ein som trivst godt i samspel med innbyggjarar, politikarar, næringsliv og andre aktørar. Du vil vera ein aktiv bidragsytar for vidareutvikling av Eidfjord kommune som ein næringsvenleg kommune.