Vil du vere med å bidra til utvikling og læring?

Kontaktlærar

Om stillinga

Lonevåg skule søkjer ein kreativ, dedikert og engasjert lærar til å bli ein del av vårt flotte team i 4. klasse. Vi søkjer ein person som har godkjent pedagogisk utdanning, t.d. grunnskulelærarutdanning 1.-7. eller allmennlærarutdanning med faga norsk og engelsk, som ønskjer å bidra til å gje våre elevar meistring og eit trygt og godt læringsmiljø. 

Kanskje er du nettopp den me ser etter og vil ønskje velkomen til skulen vår? 

Ta kontakt med rektor Tove for meir informasjon om stillinga eller søk på stillinga her!

Arbeidsoppgåver

• Skape ein god relasjon til den einskilde elev
• Planlegge, leggje til rette og gjennomføre undervisning i tråd med fagfornyinga og skulen sine pedagogiske mål
• Skape eit positivt og inkluderande læringsmiljø for elevane 
• Vurdere elevane sine faglege og sosiale utvikling, tilrettelegging for individuell oppfølging og tilpassing 
• Samarbeide tett med kollegaer og føresette for å sikre eit godt samarbeidsmiljø rundt elevane si læring og trivnad

Kvalifikasjonskrav

• Godkjent pedagogisk utdanning som grunnskulelærar eller allmennlærar
• Evne til å skape eit positivt og støttande læringsmiljø 
• God kommunikasjonsevne og samarbeidsevne 
• Engasjement for fagleg og pedagogisk utvikling 
• Kunnskap om og evne til å implementere varierte undervisningsmetodar 
• Eleven i sentrum for alt arbeid 

Å arbeide som lærar på Lonevåg skule:

Me verdset våre gode kollegaer og tilsette og kan by på eit inkluderande og positivt arbeidsmiljø.

Som tilsett hjå oss får du høve til å bidra til elevane si utvikling og læring, samstundes som du får fagleg utvikling gjennom kurs og moglegheiter for kompetanseheving. Skulen vår ligg flott til ved Hatland skulesenter, i gåavstand til barnehage, ungdomsskule og Osterøy Vidaregåande skule. Det er gode parkeringsmoglegheiter dersom du kjem med bil og vi har eit flott uteareal ved skulen vår. 

Vil du bli med på laget vårt?

Spørsmål om stillinga

Har du spørsmål om stillinga er du velkomen til å ta kontakt med rektor Tove Merethe G. Balestrand! Kontaktiformasjon finn du nederst i denne annonsa! 
Ta gjerne kontakt for ein uforpliktande prat om du berre vil høyre meir om arbeidsplassen og stillinga.

Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar.  Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy. I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester.  Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Vi ser fram til å ta godt i mot deg og gje deg ei meiningsfull arbeidskvardag.