Me søkjer

Kommuneplanleggar

Om stillinga

Me søkjer etter ein motivert og løysingsorientert rådgjevar som kommuneplanleggar i eininga for teknisk forvaltning, i sektor for samfunnsutvikling. I teknisk forvaltning er det 4 årsverk som jobbar byggesak, oppmåling, prosjekt, forvaltning av kommunetekniske tenester, klima, miljø og natuforvaltning. Me jobbar tett saman i team med teknisk drift, der du skal få påvirke arbeidskvardagen og tenestene. Me treng rådgjevar med på laget som vil vera med å utvikle kommunen og fortsette arbeidet med vår nye samfunnsplan og områdeplan for Bjørkheim.  

Arbeidsoppgåver

Har det faglege ansvaret for planarbeidet i kommunen og utvikling av dette:

• Plansakshandsaming etter plan- og bygningslova
• Planutarbeiding og planrevisjon
• Forvalte planregisteret
• Rettleiing om planlegging og eksisterande planar
• Planformidling

Har det faglege ansvaret for sektorplanar/temaplanar innanfor samfunnsutvikling. 

Har ansvar for å utvikle, planleggje og sikre ei mest mogleg effektiv ressursutnytting og god tenesteutøving innanfor planlegging. 

Planleggje og utvikle styringsverktøy og rutinar som sikrar ei mest mogleg fagleg, trygg og sørvisretta tenesteutøving innanfor planlegging. 

Bidra til at teknisk eining driv eit langsiktig og systematisk klima- og folkehelsearbeid i planlegginga. 

Bidra til faste rutinar for samarbeid og informasjonsutveksling på teknisk forvaltning. 

Sakshandsame saker for rådmannen innanfor tenesteområdet. 

Kvalifikasjonar

Krav

• Kommuneplanleggaren må ha høgskule- eller universitetsutdanning som arealplanleggar, geograf, areal- og eigedomsfag, ingeniør, landskapsarkitekt mv.
• Den som blir tilsett må kunne kommunisere godt på norsk både munnleg og skriftleg. Samnanger kommune nyttar nynorsk som målform.  

Ønskjer

• Erfaring med planlegging er ein fordel
• Kjensskap til offentleg forvaltning
• Kjennskap til bruk av dataprogram og GIS verktøy. Kommunen nyttar GISLINE

Personlege eigenskapar

• Gode samarbeidsrelasjonar, evne til å motivere og jobbe i team
• Vera systematisk og søkje utfordringar
• Motivert for å utvikle Samnanger kommune vidare

Me tilbyr

• Bli ein del av ein triveleg arbeidsplass der arbeidsmiljø står i sentrum
• Spanande og varierte arbeidsoppgåver
• Moglegheit til å påverke eigen arbeidsdag
• Ei utfordrande stilling med moglegheit for utvikling og fagleg påverknad
• Avtale om delvis heimekontor

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsmilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring
• Fleksible arbeidstidsordningar
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera NOKUT godkjent. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.

Om oss

Samfunnsutvikling held til i gode lokale på Frøland. Her får du eige kontor med utsikt mot fjell og vatn. På Frøland kjem du inn i eit godt arbeidsmiljø med andre tilsette som jobbar med kommuneplan, oppmåling, prosjekt, kommunaltekniske tenester, klima, miljø og naturforvaltning. Me er omlag 20 tilsette som jobbar tett saman i team om å drifte og utvikle tenestene og kommunen.   

I hjarta av gamle Hordaland, midt mellom Bergen og Hardanger, ligg Samnanger kommune som ein naturleg skjønnheit. Med relativ kort veg til både by- og naturopplevelsar, er Samnanger perfekt for deg som ønskjer både i pose og sekk.Kraftkommunen med sine 2 500 innbyggjarar er i vekst, og potensialet er stort. Me treng deg som ser dette potensialet og vil vera med på den spanande reisa vidare.