Ledig stilling som folkemusikkarkivar

Formålet med stillinga:

Folkemusikkarkivaren skal sikre ei heilskapleg, forsvarleg og tradisjonsfagleg forvalting og formidling av folkemusikkarkivet ved Valdres Folkemuseum. Arbeidet skal gjerast i tråd med museet sine planar og standardar elles på området. Til stillinga følgjer ansvaret for folkemusikkformidlinga ved museet, og elles arbeidet med rekruttering til folkemusikk. Arbeidet skal skje i samarbeid med kulturskulane og dei frivillige organisasjonane. Stillinga inngår i kulturhistorisk seksjon og arkivaren svarer til seksjonsleiaren.

Ansvarsområde:

Folkemusikkarkivet ved Valdres Folkemuseum.

Arbeidsoppgåver:

Fysisk og digital sikring av folkemusikkarkivet:

• Inntak, ordning og digitalisering av lyd- og filmarkiv
• Registrering i Fiol

Formidling:

• Opplæring og rettleiing i folkemusikk frå Valdres
• Konsertar, konsertproduksjon og utøvande formidling i folkemusikk
• Forelesing og undervisning til studentar og skuleelevar
• Tekstproduksjon og publisering

Andre oppgåver:

• Utarbeide rutinar, system og arbeidsplaner
• Koordinere registreringsarbeidet med andre tilsette og frivillige i seksjonen
• Delta i relevante lokale, regionale og nasjonale nettverk
• Delta i anna museumsarbeid etter avtale

Vi kan tilby:

• Ei ansvarsfull stilling med høve til personleg utvikling
• Høve til å påverke profil og utvikling av Valdresmusea
• Eit positivt og hyggeleg arbeidsmiljø
• Medlemskap i KLP si pensjonsordning

Dine evner:

• Du er fagleg, nøyaktig og strukturert
• Du har stor kapasitet og evne til å ferdigstille arbeid på frist
• Du kan etablere system og følgje opp rutinar og instruksar
• Du har god munnleg og skriftlig framstillingsevne på bokmål og nynorsk
• Du har god samarbeidsevne

Din kompetanse:

• Utdanning innan folkemusikk
• Erfaring med arkiv- og museumsarbeid vil bli særleg vektlagt
• Erfaring med arrangement, kurs og opplæring
• Utøving i folkemusikk på høgt nivå
• God IT-kunnskap, bruk av digitale fagsystem og handtering av teknisk utstyr
• Førarkort klasse B

Anna:

Stillingsprosent: 100 %

Arbeidsstad: Fagernes

Ein må ta høgde for kvelds- og helgearbeid i periodar. For meir opplysning om stillinga, kontakt direktør Ole Aastad Bråten, mobil 907 63 635. "Landsovereinskomsten for museum og andre kulturinstitusjonar" gjeld for Valdresmusea. Søknad med CV sender du til ole.aastad.braten@valdres.museum.no. Merk "søknad folkemusikkarkivar". Attestar skal berre sendast ved førespurnad.