Oppmålingsingeniør/Landmålar i Aurland kommune

Aurland kommune søkjar etter ingeniør med kart- og oppmålingskompetanse i 100% fast stilling på avdeling for Forvaltning i kommunalområdet Samfunnsutvikling. Stillinga er lokalisert på rådhuset, sentralt på Aurlandsvangen. Her får du eigekontor med utsikt mot fjell og fjord. På avdelinga blir du i godt selskap med tilsette som til dømes jobbar med planarbeid, byggesak, prosjekt og næring. Me legg vekt på godt og inkluderande teamarbeid, der du skal få påverke arbeidskvardagen.

Arbeidsoppgåver

Vere kommunen sin matrikkelførar av eigedomar

Handsaming av søknadar om deling og arealoverføring etter plan- og bygningslova.

Oppdatere matrikkelen, kartgrunnlaget og utarbeide temakart.

Geodataansvarleg for kommunen

Publikumsrettleiing

Landmålararbeid i drifts- og investeringsprosjekt.

Kontrollingeniør/prosjekteringsoppgåver på kommunale drifts- og investeringsprosjekt

Det må påreknast andre oppgåver tillagt stillinga under kommunalområde Samfunnsutvikling.

Vi tilbyr

Bli ein del av ein triveleg arbeidsplass der arbeidsmiljø står i sentrum.

Spanande og varierte arbeidsoppgåver.

Moglegheit til å påverke eigen arbeidsdag.

Ei utfordrande stilling med moglegheit for utvikling og fagleg påverknad.

Avtale om delvis heimekontor.

Gratis inngang til treningsrom og symjebasseng i Aurlandshallen.

Hjelp til å skaffe bustad.

Hjelp til å skaffe barnehageplass.

Hjelp til å skaffe arbeid til partner.

Kvalifikasjonar

Har relevant utdanning frå høgskule

Har erfaring frå delings- og oppmålingsarbeid

Har kjennskap til moderne oppmålingsutstyr

Har kjennskap til bruk av dataprogram (GISLINE) i kart- og oppmålingsarbeid

Har kjennskap til offentleg forvaltning

Har førarkort klasse B

Har gode samarbeidseigenskapar og ei serviceretta haldning

Er motivert for å utvikle Aurland kommune vidare

Løns- og tilsetjingsvilkår

Tilsetting, løn og arbeidsvilkår er i samsvar med gjeldande lovverk, reglement og tariffavtale.

Gode pensjons- og forsikringsordningar.