Vi søker no bygg- og eigedomssjef

Bli med å utvikle regionen med oss!
Møre og Romsdal fylkeskommune har ansvaret for vidaregåande opplæring, fagskoleutdanning, fylkesvegar, kollektivtransport, tannhelsetenester, kulturtilbod og samfunns- og næringsutvikling i heile fylket. Vi er ein av dei største arbeidsgivarane i regionen og søker no ein bygg- og eigedomssjef som kan bidra til den vidare utviklinga vår.

Verdigrunnlaget vårt er ein lærande organisasjon, prega av verdiskapande samarbeid og tillit.

Bygg- og eigedomstenestene har til saman ca. 62 tilsette og er organisert i to avdelingar; avdeling for bygg- og eigedomsdrift og avdeling for bygg- og eigedomsutvikling. Det er også ein felles stabsfunksjon. Avdelingane blir leia av eigne avdelingsleiarar medan staben ligg direkte under bygg- og eigedomssjefen. Saman utøver dei fylkeskommunen si eigarrolle, tar seg av byggherrefunksjon i byggesaker og er ansvarleg for forvaltning, drift, vedlikehald og utvikling av fylkeskommunen sine eigendommar og eigedomstenester. Som bygg- og eigedomssjef vil du ha det overordna ansvaret for å iverksette eigedomsstrategien vår og utviklingsplanar, samt å leie og utvikle bygg- og eigedomstenestene på ein effektiv og berekraftig måte.

I stillinga vil du vere ein del av leiargruppa til fylkeskommunedirektøren og ha medansvar i å leie og utvikle organisasjonen, bidra til samfunnsutvikling og å nå dei måla som er vedtatt politisk for området.

Du må ha følgande kvalifikasjonar:

• Utdanning innan relevante fagområde, helst på masternivå, men bachelorgrad kombinert med relevant erfaring kan kompensere
• Erfaring innan fagområdet
• Solid leiarerfaring og evne til å ha eit heilskapleg og strategisk blikk

Vi søker ein samlande og trygg leiar som er utviklingsorientert og har gode kommunikasjonsevner. Du er tillitsskapande, trivst i samspel med menneske og blir motivert av å skape resultat i samarbeid med andre. Du er analytisk anlagt, evner å sjå heilskapleg og strategisk på oppgåver, og har god gjennomføringsevne. Forståing for samfunnsoppdraget og samfunnsutviklinga er essensielt. Personlege eigenskapar vil bli vektlagt. Du må ha god norsk muntlig og skriftlig fremstillingsevne.

Vi kan tilby deg ei unik moglegheit til å bli ein del av ein organisasjon som brenn for å utvikle betre og berekraftige løysningar for å møte framtidas behov.

Søk no og bli med å utvikle regionen med oss!

Lønn etter avtale, offentleg pensjonsordning, gruppelivs- og ulykkesforsikring.

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss.


For nærare informasjon om stillinga kan du kontakte Jefferson Wells v/seniorrådgivar Anne Dordi Alseth, e-post anne.dordi.alseth@jeffersonwells.no tlf. 924 48 268. Førespurnaden din vil bli behandla konfidensielt, om ønskeleg også for oppdragsgivar, fram til søknadsfristen. Etter at søknadsfristen har gått ut, vil det bli satt opp offentleg søkarliste. Det kan bli gjort unntak, dersom søkar ber om det. Dersom du ønsker å reservere deg for oppføring på den offentlege søkarlista, må du grunngje dette i gjeldande lovverk.    

Ver merksam på at opplysingar om søkar likevel kan bli gjort offentlege. Søkaren vil bli varsla dersom unntak frå offentlegheita ikkje blir innvilga.

 

Møre og Romsdal fylkeskommune har ansvaret for vidaregåande opplæring, fagskoleutdanning, fylkesvegar, kollektivtransport, tannhelsetenester, kulturtilbod og samfunns- og næringsutvikling i heile fylket.

Verdigrunnlaget vårt er ein lærande organisasjon, prega av verdiskapande samarbeid og tillit.