Kontraktsforvaltar

Vil du bidra til å betre kvaliteten i Skyss sine mobilitetstenester? Skyss jobbar aktivt med å tilby våre kundar kvalitet i reiser med buss, bybane, båt og ferje i Vestland, og tenestene vert utført av operatørselskap som Skyss har avtale med. Kontraktavdelinga i Skyss har livssyklusansvar for alle transportkontraktar i Skyss, og dermed ansvar for førebuing av anskaffingar, gjennomføring av anskaffingar og dagleg oppfølging av inngåtte kontraktar.

Vi skal no rekruttere kontraktsforvaltar, som vil ha hovudfokus på å følgje opp alle dei ni ferjekontraktane i Vestland og dei seks leverandørane av desse. Kontraktane har til saman ein årleg verdi på over ein milliard NOK.

Arbeidsstad for stillinga er Bergen, Førde eller Leikanger

Vår nye kontraktsforvaltar skal følgje opp den totale leveransen i ferjekontraktane i Skyss og andre kontraktar etter behov. Ein skal fasilitere operatørkontakt, bidra i anskaffingsprosess for transportkontraktane og sikre implementering av nye transportkontraktar. I tillegg har stillinga ansvar for å aktivt auka kvalitet og miljø i leveransen gjennom utvikling, dialog og bruk av relevante kontraktmekanismar (bonusordningar, sanksjonar mv.).

Du skal arbeide aktivt med leverandørutvikling gjennom å koordinere tilbakemeldingar som kan styrke operatørane sine leveransar. Ein skal stimulere til ein god leverandørmarknad, og sikre og utvikle ei god plattform for strategisk samarbeid med våre operatørar. I tillegg skal ein inneha og forvalte kunnskap om aktuelt transportmateriell, være fleksibel og støtte organisasjonen i det behovet som til ein kvar tid skulle eksistere, og ha eit aktivt forhold til verdiane våre – kompetent, open og modig.

Vi tilbyr ei fagleg utfordrande og spennande stilling med gode moglegheiter for fagleg utvikling. I tillegg tilbyr vi

• fleksibel arbeidstidsordning
• løn etter avtale og
• gode offentlege pensjons- og forsikringsvilkår gjennom Vestland fylkeskommune

Andre opplysningar:

• Administrasjonsmålet i Vestland fylkeskommune er nynorsk
• Alle nye tilsettingar vert gjort med ei prøvetid på 6 månader
• Vi gjer merksam på at i følgje offntleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp å offentleg søkjarliste. Søkjar som har bedt om unntak vil alltid bli varsla på førehand dersom søkjarlista vert offentleggjort.