Utløpt

Kvalitetsleiar blodbank

Arbeidsgiver: Helse Førde
Stillingstittel: Kvalitetsleiar blodbank
Frist: 15.06.2023
Ansettelsesform: Fast

LMBB har ledig 100% stilling som kvalitetsleiar for blodbanken. Oppstart 01.08.2023, eller etter avtale.

Blodbanken i Helse Førde er organisert i fellesavdeling med medisinsk biokjemi. Det er ei avdeling på tvers av sjukehusa i Førde, Lærdal og Nordfjordeid. I tillegg er der ein tappestasjon i Florø.

Stillinga som kvalitetsleiar er organisert i stab til avdelingssjef. Personalet i avdelinga har høg kompetanse og består i hovudsak av bioingeniørar, men og av helsesekretærar, overlegar og sjukepleiar. Avdelinga har i dag eit godt kvalitetsstyringssystem og tilhøyrande kompetanse, og har eit mål om å søkje akkreditering for våre tenester innan 2025.

Den som blir tilsett får ansvar for å samordne kvalitetsstyringsystemet for all transfusjonsverksemd i Helse Førde. Hovudarbeidsplassen vil vere ved Førde sentralsjukehus, og det må påreknast noko reiseverksemd til dei andre blodbankeiningane.

Arbeidsoppgåver

Vidareutvikle og vedlikehalde kvalitetsstyringssystemet
Prosedyregodkjenning
Delta i og gjennomføre interne revisjonar
Støtte leiarar og fagleiarar i kvalitets- og forbetringsarbeid
Opplæring og undervisning
Delta i rutinearbeid for å halde seg oppdatert på prosedyrer og rutiner

Kvalifikasjonar

Autorisert bioingeniør
Erfaring innan transfusjonsmedisin er ein fordel
Erfaring frå kvalitetsarbeid, sertifisering, akkreditering og/eller revisjon er ein fordel
Gode IT-kunnskaper
Kunne uttrykke seg godt på norsk både munnleg og skriftleg

Personlege eigenskapar

Evne til å arbeide sjølvstendig og strukturert
Gode kommunikasjons- og samarbeidsevner
Interesse for kontinuerleg forbetringsarbeid
Engasjert og målretta
Må trivast i eit aktivt og til tider travelt miljø

Vi tilbyr

Spennande og utfordrande arbeidsoppgåver
Høve til opplæring og kompetanseutvikling
Lønn og arbeidsvilkår i samsvar med gjeldane overeinskomst
Gode pensjons- og forsikringsordningar
Sjukehuset kan bidra med å skaffe bustad

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Om arbeidsgiveren

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på over 3,2 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.

Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Svanehaugvegen 2, 6812 Førde
Bransje: Helse og omsorg
Stillingsfunksjon: Helsepersonell / Bioingeniør