Kaféansvarleg
Stiftinga Musea i Sogn og Fjordane
- Frist snarest
- Ansettelsesform Fast
Kaféansvarleg på Kafé Sobra
Kaféansvarleg på Kafé Sobra
Om stillinga
Vi søker etter ein person for snarleg tilsetting i rolla som kaféansvarleg på Kafe Sobra i Førde. Hovedoppgåva vil vere å drive kafeen på Sogn og Fjordane Kunstmuseum. Du kan vere med å velje om du ynskjer å vere tilsett i Stiftinga Musea i Sogn og Fjordane eller drive kaféen som eige foretak, her er vi ute etter å finne ein løysing som er berekraftig for alle partar. Målsetnaden er å sikre eit godt kafétilbod som er tilpassa aktiviteten på Sogn og Fjordane Kunstmuseum.
Er du ein person som brenn for gode matopplevingar, og har idéar til konsept som du trur vil passe inn hos oss?
Da er du velkommen til å ta kontakt med oss for ein prat.
Pr. i dag lagast all mat på staden, men andre driftsmåtar kan vere aktuelle, og vil vere avhengig kven som trer inn i stillinga. Kaféansvarleg rapporterar til avdelingsdirektør for økonomi, administrasjon og drift. Kaféansvarleg har delegert personalansvar for deltidsstillingar i kaféen.
Arbeidsoppgåver
- drift av kafe, inkl. økonomistyring og budsjettering
- marknadsføring av tilbodet
- utvikle og vedlikehalde meny
- priskalkyle
- innkjøp av varer
- matlaging og servering
- planlegge personalressursar og setje opp vaktliste
- gode samarbeidsevner og bidrar til eit godt team
- skjenkeansvarleg - setje seg inn i, og følge lovverk rundt skjenking av alkohol
- setje seg inn i, og følge Mattilsynet sine reglar rundt handtering av mat ved serveringsstadar
- samarbeide med kunstmuseet ved utstillingsopning og andre kvelds/helgearrangementer
Om Kafè Sobra og Sogn og Fjordane Kunstmuseum
På Kafè Sobra serverer vi varme og kalde rettar med tilhøyrande drikke. Vi held til på gateplan i hjartet av Førde sentrum og representerar kafetilbodet på Sogn og Fjordane Kunstmuseum. I godt veir er det fint å nyte måltidet eller drikke på den flotte takterrassen med utsikt over byen og fjella. Det kan nemnast at bygget har fått internasjonal merksemd for sin særprega arkitektur.
Kafé Sobra fylgar opningstidene til Sogn og Kunstmuseum som eit minimum.
Kunstmuseet fyller 3 etasjar med både basisutstillingar og skiftande utstillingar, samt ein museumsbutikk. Nett no visar vi blant anna ei stor utstilling med kunst frå Nikolai Astrup som er å sjå fram til 10. september.
Kafé Sobra er ein del av Stiftinga Musea i Sogn og Fjordane som du kan lese meir om ved å vitje nettstaden www.misf.no.
Kvalifikasjonar
Utdanning
- Relevant fagbrev (kokk), om du har lang erfaring i yrket kan dette kravet fråvikast
- Anna erfaring/utdanning som til dømes servitør, eller annan sørvis/ vertskapserfaring kan og bli vurdert
Andre kvalifikasjonar
- Gjennomført etablererprøven for serveringsverksemd, om ikkje må aktuell kandidat vere villig til å gjennomføre prøven.
- Gjennomført kunnskapsprøve i alkohollova for skjenkebevilling, om ikkje må aktuell kandidat vere villig til å gjennomføre den
- Erfaring med drift av kafe og resultatoppfølging
- Gode datakunnskaper og komfortabel med sosiale media
Kven er det vi ser etter ?
- du må vere villig til å ta ei utfordring og ynskje å påverke konsept og drift
- du må ha kundefokus
- du må vere fleksibel, kunne løyse uventa situasjonar
- du må samarbeide godt med andre
- du må kunne jobbe sjølvstendig, ta eigne beslutningar
- du må takle uregelmessig arbeidstid, med arbeid på kveld og helg
- du må vere oppteken av resultat og tenker økonomi
- du må vere flink til å kommunisere
Personlegheitstrekk
- Sørvisinnstilt
- Omgjengeleg
- Energisk
- Endringsvilje
- Strukturert
- Kreativ
- Samvitsfull
Generell informasjon
Som tilsett i Musea i Sogn og Fjordane (MiSF) vil du vere del av eit dynamisk arbeidsmiljø prega av med høg kompetanse og stort engasjement.
MiSF er ei IA-verksemd, og vi tilbyr god pensjonsordning gjennom KLP.
Stillinga som kaféansvarleg blir løna etter avtale, og har stillingskode 1124 kjøkkensjef iflg. Landsoverenskomsten for museum (Virke).
Søknadar vil bli vurdert fortløpande, og det kan bli starta intervjuprosess før søknadsfristen er ute.
Oppstart i stillinga er snarast mogeleg, helst innan 1. august.
Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under "Vedlegg".
Vi gjer merksam på at søkarlista kan bli kravd gjort offentleg.
Nærare opplysningar får du ved å vende deg til avdelingsdirektør Janne Gimmestad tlf. 419 15 170.
Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller kundeservice(at)jobbnorge.no kvardagar mellom 08:00-16:00.
Om arbeidsgiveren
Stiftinga Musea i Sogn og Fjordane (MiSF) består av 12 besøksstader fordelte på 7 kommunar i Sogn og Fjordane. Vi har museum innan kulturhistorie, kunst, reiseliv og kystkultur.
Organisasjonen har omlag 60 årsverk. Administrasjonen ligg i dag på Sandane i Nordfjord. Nynorsk er offisiell målform.
- Sektor: Offentlig
- Sted: Storehagen 1 A, 6800 Førde
- Bransje: Museer, gallerier og kulturminne
- Stillingsfunksjon: Husøkonom, Resepsjon, Service/servering
(1/2)
- FINN-kode 304611795
- Sist endret