Medarbeidar Digitale helsetenester

Helse Førde har ledig engasjement som konsulent/rådgjevar i eit år i 100% stilling for å utvikle breidda av digitale helsetenester.

Innføring av digitale helsetenester er eit satsingsfelt i spesialisthelsetenesta. Fleire pasientar skal få tilbod om digitale konsultasjonar og andre former for digitale tenester. Både regionalt i Helse Vest, og lokalt i Helse Førde, er det etablert nettverk som skal arbeide med å auke bruken av desse tenestene. Det er også samarbeid med kommunane om å styrke og auke bruken av digitale løysingar.

Halve stillinga er dedikert til etablering, drift og utarbeiding av varige driftsmodellar for behovsstyrte poliklinikkar i Ortopedisk avdeling. Den andre delen er knytt til arbeid med digitale helsetenester i heile Helse Førde. Engasjementet kan bli utvida.

Arbeidsoppgåver

• Bidra i arbeidet med å innføre varige, trygge og gode arbeidsprosessar for bruk av digitale helsetenester i avdelingane.
  
• Sikre at bruk av digitale helsetenester for nye pasientgrupper er baserte på gode risikovurderingar.
  
• Oppdatere seg og innhente informasjon om aktuelle verktøy.
  
• Sette seg inn i, hente inn og vidareformidle, kunnskap om koding av digitale helsetenester
  
• Delta i lokalt nettverk for digitale helsetenester, og formidle resultat av innføringar og erfaringar andre kan ta med seg
  
• Delta i regionalt nettverk for digitale helsetenester
  
• Ansvar for å drifte behovsstyrte poliklinikkar i ortopedisk avdeling og etablere varige driftsmodellar.

Kvalifikasjonar

• Kunnskap om den kliniske verksemda og arbeidsprosessane i poliklinikkar/motivasjon for å tileigne seg slik kunnskap
  
• Kompetanse på forbetrings- og endringsarbeid/motivasjon for å tileigne seg slik kompetanse.
  
• Kunnskap om verktøy som vert nytta i digitale helsetenester/motivasjon for å tileigne seg slik kunnskap
  
• Kunnskapar i norsk: God munnleg og skriftleg framstillingsevne.
• Utdanningsnivå: Fagutdanning, bachelor.

Personlege eigenskapar

• Evne til å arbeide metodisk og strukturert
• Sjølvstendig
• Teamorientert
• Løysingsorientert og fleksibel

Vi tilbyr

• Opplæring, rådgjeving og samarbeid om oppgåvene.
  
• Løn etter avtale ut ifrå kvalifikasjonar som konsulent eller rådgjevar
  
• Gode pensjons- og forsikringsordningar
  
• Ein arbeidsplass som er ei inkluderande arbeidslivsbedrift
  
• Fagleg og personleg utvikling

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.