Utløpt

Spesialsjukepleiar i poliklinikk

Arbeidsgiver: Helse Bergen
Stillingstittel: Spesialsjukepleiar i poliklinikk
Frist: 07.06.2023
Ansettelsesform: Fast

Bli kjent med Haukeland universitetssjukehus

Avdeling for rusmedisin (AFR) sin poliklinikk i Kanalveien opprettar ei ny dagtidsstilling for spesialsjukepleiar. Innhaldet i stillinga er under utvikling, men hovudfokus vil vere å samarbeide tett med legane for å understøtte og avlaste deira arbeid. Det er både mogleg og ønskeleg at ein er med på å utforme sin eigen arbeidskvardag. Stillinga er i hovudsak plassert i Kanalveien, men poliklinikken flyttar i 2024 til nye lokale i Bergen sentrum. Det vil også vere aktuelt med arbeid ved andre seksjonar i avdelinga.

Poliklinikken held til i moderne lokale i Kanalveien 5. I poliklinikken er det 41 tilsette, derav 13 psykologar, av desse pt 9 spesialistar i klinisk psykologi. Den tverrfaglege bemanninga består av lege, sosionomar, vernepleiarar og musikkterapeut, samt to merkantilt tilsette.

Avdeling for rusmedisin har om lag 570 medarbeidarar fordelt over fleire poliklinikkar og døgnseksjonar. Det vil i dei neste åra gå føre seg spennande utvikling knytta til differensiering av tenester og forsking. Poliklinikken er organisert i tverrfaglege team, og det er godt lagt til rette for samarbeid og drøftingar. I avdelinga er det faste fag- og forskingsdagar. Avdelinga legg til rette for individuell vidareutdanning, samt felles kompetanseheving.

Poliklinikken gjev tilbod til pasientar med rusmiddelproblem frå 15 år og oppover. Poliklinikken har fast samarbeid med "Jobb Først"-konsulentar (IPS) som er knytt opp til AFR og til poliklinikken.

Stillinga er ledig frå 1. september 2023, og tiltreding etter avtale.

Arbeidsoppgåver

Bistå lege i ADHD-oppfølging
Bistå lege med medikamentoppfølging
EKG og andre kliniske undersøkingar
Livsstilsrettleiing
Prøvetaking og oppfølging av prøvesvar
HLR-opplæring
Undervisning
Delta i relevante forum med legegruppa i avdelinga, samt sjukepleier ved Murhjørnet
Andre medisinfaglege oppgåver i samarbeid med lege

Kvalifikasjonar

Norsk autorisasjon som sjukepleier med vidareutdanning innan rus/psykiatri eller annan relevant vidareutdanning
Særs gode kunnskapar i norsk, både munnleg og skriftleg
Erfaring med arbeid innan rusbehandling og psykisk helsevern, gjerne også med ADHD, vil vere ein fordel

Personlege eigenskapar

Du er personleg eigna til stillinga
Du er fleksibel og initiativrik
Du bidrar positivt til eit fagleg og kollegialt godt miljø
Du trivast med å arbeide i eit tverrfagleg miljø og meistrar høgt tempo
Du har god fagleg vurderingsevne, arbeider målretta og strukturert
Du må kunne arbeide godt både sjølvstendig og i team
Du arbeider målretta og toler å stå i krevande situasjonar

Vi tilbyr

Lønn iht gjeldande overeinskomst
Triveleg arbeidsmiljø
Høgt fagleg nivå og engasjement
Fagleg og personleg utvikling
Ein arbeidsplass som er ei inkluderande arbeidsliv-bedrift (IA-bedrift)
Gode pensjons- og forsikringsordningar

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Kanalveien 5, 5068 Bergen
Bransje: Helse og omsorg
Stillingsfunksjon: Sykepleier / Psykiatri,; Sykepleier