Er vi arbeidsplassen for deg?

Lotteritilsynet fører tilsyn og kontroll med blant anna Norsk Tipping og Rikstoto, og vi jobbar for at ulovlege pengespelaktørar som Unibet og MariaCasino skal trekke seg ut av Noreg. Vi arbeider for å hindre kampfiksing og manipulering av idrettskonkurranser, og vi følger opp kvitvaskingslova på lotteri- og pengespelfeltet.

Vi har med andre ord eit viktig samfunnsoppdrag som gjer det givande å komme på jobb.

I tillegg kan vi lokke med kjekke kollegaer som er langt framme innan sine fagfelt. Her er det mykje å lære, og vi lærer gjerne av deg òg. Hos oss jobbar det juristar, samfunnsvitarar og økonomar. Saman har vi brei arbeidserfaring, livserfaring og aldersspennet er stort.

Arbeidsplassen er Førde i Sunnfjord. Byen ligg sentralt plassert i vakre Vestland, mellom fjord og fjell.

Arbeidsoppgåver

Vi ser etter deg som likar å jobbe med varierte oppgåver knytt til økonomi.

Erfaring frå fagområdet er å føretrekke, men stillinga er også aktuell for deg som er nyutdanna. Det viktigaste er at du er nysgjerrig og lærevillig. Arbeidsoppgåvene vil bli tilpassa erfaringsnivå.

Gode evner til å kunne forstå og forklare kompliserte samanhengar knytt til samfunnsoppdraget vårt er viktig.

Juristar/økonomar:
Vi ser etter to sakshandsamarar til forvaltningsoppgåver innan pengespelområdet. Her skal du etter kvart gå inn i tilsynsoppgåver, og du må derfor rekne med kursing og kompetanseutvikling.

Kvalifikasjonar

Økonom:

• Mastergrad i økonomi
• Relevant erfaring med påviste resultat kan kompensere for utdanningskravet
• Revisjonserfaring kan vere ein fordel

Jurist/økonom:

• Mastergrad i juss eller økonomi

For alle stillingar:

• Nyutdanna er velkomne til å søke.

Det viktigaste er ikkje kva du har gjort tidlegare, men kven du er.

I tillegg må du ha:

• Godt skjønn og god regelforståing
• God IT- og systemkompetanse, med evne til å setje seg raskt inn i nye system
• God munnleg og skriftleg framføring

Personlege eigenskapar

Vi ser etter deg som

• Er god til å sjå samanhengar og konsekvensar innan fagfeltet
• Som evner å kommunisere komplekse problemstillingar på ein pedagogisk og presis måte - både munnleg og skriftleg
• Som har gode samarbeidsevner og evne til å bidra til eit godt arbeidsmiljø
• Som er initiativrik, har gjennomføringskraft og er lærevillig

Vi tilbyr

• Fleksitid.
• Moglegheit for heimekontor.
• Eit tverrfagleg arbeidsmiljø med breitt samansett kompetanse og erfaringsbakgrunn.
• Varierte og utfordrande arbeidsoppgåver der du kan påverke din eigen arbeidskvardag.
• Gode velferdsordningar og generelt fleksibel personalpolitikk, også når det gjeld vidareutdanning, kurs og opplæring.
• Medlemskap i Statens Pensjonskasse, som gjev gunstige pensjons- og lånevilkår.
• Betalt overtid.
• Trening i arbeidstid.
• Lunsjordning.
• Sommartid.
• Moderne kontorbygg i Førde sentrum, med eige treningsrom.
• IA-bedrift.

Løn og stillingstittel blir fastsett på grunnlag av kvalifikasjonar og ansiennitet. Stillinga er utlyst som førstekonsulent/rådgivar/seniorrådgivar stillingskode 1408/1434/1364. Det blir trekt 2 prosent til innskot i Statens pensjonskasse. Stillinga har ei prøvetid på seks månader.

Dersom du ønsker å reservere deg frå å stå på offentleg søkarliste må du opplyse om dette, og grunngi kvifor i søknaden. Opplysningar kan bli offentleggjorde sjølv om du har bedt om ikkje å bli oppført på søkarlista. Dersom oppmodinga di om reservasjon ikkje blir tatt til følge, varslar vi deg på førehand.
Å vere inkluderande og mangfaldige ser vi på som ein styrke. Vi ønsker tilsette med ulik kompetanse, ulike fagkombinasjonar, ulike perspektiv og ulik livserfaring. Vi legg til rette for tilsette som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.

Har du spørsmål til stillinga eller er usikker på om du skal søke? Ta kontakt med avdelingsdirektør for pengespel, Henrik Nordal. Mob. 99284309