Vil du jobbe nasjonalt med stiftelsar og kunnskap?

Stiftelsestilsynet er eit nasjonalt tilsynsorgan som held til i Førde i Vestland. Hos oss jobbar det 16 engasjerte og motiverte personar. Vi har ei fin samansetning av juristar, samfunnsvitarar og økonomar som jobbar tett saman.

Vi fører kontroll med norske stiftelsar. Gjennom vår kontakt med stiftelsar, samt data som ellers er tilgjengeleg, utviklar og formidlar vi kunnskap til stiftelsane og samfunnet ellers. Dette er førebyggande og bidrar til at dei kan styrke sin innsats for formålet. Sakene vi behandla reiser spennande og kompliserte rettsspørsmål, på lovområde som er under utvikling. Kunnskap om organisasjonsforma og stiftelsar er lav og du blir viktig i arbeidet med å gjere stiftelsesområdet meir kjent.

No er vi på jakt etter ein person som kan hjelpe oss med dette viktige arbeidet. Kanskje det er deg?

Høyrest dette interessant ut? Ikkje nøl med å ta kontakt med oss, vi fortel gjerne meir om desse spennande arbeidsoppgåvene.

Arbeidsoppgåver

• Statistikkarbeid, analyse og utgreiing på stiftelsesområdet.
• Kunnskapsbygging og formidling.
• Rettleiing og dialog med brukarar, samfunn og media.
• Samarbeid med samarbeidspartnarar og interessentar.
• Vere med å utvikle fagområdet.
• Førebyggande arbeid.
• Delta i anna arbeid ved avdelinga etter behov.

Kvalifikasjonar

• Relevant utdanning på masternivå.
  
• God skriftleg og munnleg framstillingsevne.

I tillegg er det ein fordel med

• Kjennskap til og forståelse for førebyggande tilsynsarbeid.
• Erfaring frå og interesse for brukarorientert design.
• Erfaring frå prosjekt og prosessarbeid.
• Erfaring frå informasjonsarbeid og formidling av komplekse saksområder.
• Erfaring med kunnskapsbygging, forsking, statistikkarbeid.
• Kjennskap til programvarer for databehandling.

Personlege eigenskapar

• Du tek initiativ, løyser problem og samarbeider godt med andre.
• Du har gode kommunikasjons- og formidlingsevner.
• Du er strukturert og analytisk.
• Du er samfunnsengasjert og tenker heilskapleg.

Det blir lagt vekt på personlege eigenskapar.

Vi tilbyr

• Fleksitid.
• Moglegheit for heimekontor.
• Eit tverrfagleg arbeidsmiljø med breitt samansett kompetanse og erfaringsbakgrunn.
• Varierte og utfordrande arbeidsoppgåver der du kan påverke din eigen arbeidskvardag.
• Gode velferdsordningar og generelt fleksibel personalpolitikk, også når det gjeld vidareutdanning, kurs og opplæring.
• Medlemskap i Statens Pensjonskasse, som gir gunstige pensjons- og lånevilkår.
• Betalt overtid.
• Trening i arbeidstid.
• Lunsjordning.
• Sommartid.
• Moderne kontorbygg i Førde sentrum, med eige treningsrom.

Lønn blir fastsett på grunnlag av kvalifikasjonar og ansiennitet. Stillinga er utlyst som rådgivar/seniorrådgivar stillingskode 1434/1364. Det blir trekt 2 prosent til innskot i Statens pensjonskasse. Stillinga har ei prøvetid på seks månader.

Dersom du ønsker å reservere deg frå å stå på offentleg søkarliste må du opplyse om dette, og grunngi kvifor i søknaden. Opplysningar kan bli offentleggjorde sjølv om du har bedt om ikkje å bli oppført på søkarlista. Dersom oppmodinga di om reservasjon ikkje blir tatt til følge, varslar vi deg på førehand.

Å vere inkluderande og mangfaldige ser vi på som ein styrke. Vi ønsker tilsette med ulik kompetanse, ulike fagkombinasjonar, ulike perspektiv og ulik livserfaring. Vi legg til rette for tilsette som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.