Forretnings- og samfunnsutvikler i Hardanger

Næringshagen i Ullensvang AS (NIU) er i ein utviklingsprosess, og er på jakt etter deg med relevant utdanning og erfaring frå næringslivet.

Som forretningsutviklar i ein næringshage er du tett på lokale verksemder som rådgjevar. I tillegg vil du delta i ein rekkje samfunnsnyttige prosjekt. Dette er ein stilling for deg som vil ha en meiningsfull kvardag og bidra til veksten i næringslivet i Hardanger.

Næringshagen tilbyr Næringshageprogrammet i kommunen, du kan lese meir om programmet på Siva sine nettsider: https://siva.no/virkemidler/naeringshageprogrammet/

Arbeidsoppgåvene vert å rådgje verksemder i regionen for å bidra til vekst, styre eksterne og interne prosjekt, samt vere ein pådrivar for å etablere nye verdiskapande verksemder. Organisasjonen er ein pådrivar for auka samarbeid, og tek ein aktiv rolle i samfunnsutvikling lokalt og regionalt. I tillegg til forretningsutvikling er det prosjekt innan desentralisert utdanning, rekruttering og kompetanseheving i dag, men det kan koma ytterlegare arbeidsoppgåver f.eks. delprosjekt frå Grøn Region Vestland. 

Me ser etter deg som:

• har høgare utdanning innan bedriftsleiing, økonomi, ingeniørfag, jus, it, e.l.
• har relevant praksis frå privat næringsliv som gjev truverdig rådgjeving
• har erfaring med å jobbe i prosjekt med fordel frå industri
• har gode kommunikasjonsevner både munnleg og skriftleg
• har solid fagkompetanse og kan halde relevante kurs
• har førarkort og har eigen bil (det må påreknast litt reise)
• evnar å jobbe både sjølvstendig og i team
• er analytisk og har evne til å setje deg inn i strategiske utfordringar
• er personleg eigna for stillinga gjennom å vere god på relasjonar og service

Det er ein fordel om du i tillegg har kjennskap til utfordringar i næringslivet og potensiale i regionen.

Me tilbyr:

• lokalt utviklingsarbeid med nasjonalt nettverk
• stor fridom i eigen arbeidskvardag
• kontor i eit spanande fagmiljø i Odda
• personlege utviklingsmoglegheiter
• konkurransedyktig løn og tiltreding etter avtale
• 100 % fast stilling, men me kan vere fleksible på stillingsprosent ved behov.

Spørsmål om stillinga kan rettast til dagleg leiar Christel Kvamme tlf: 45 47 90 95 eller christel @nhullensvang.no. CV og søknad kan sendes til post @nhullensvang.no

Næringshagen skal vere ei drivkraft for nyskaping og vekst i regionen, vi engasjerer oss for at du skal lukkast. Organisasjonen driv med nærings- og samfunnsutvikling i Ullensvang og Hardanger.