Utløpt

Rådgjevar landbruk, natur og miljø

Arbeidsgiver: Vang Kommune
Stillingstittel: Rådgjevar landbruk, natur og miljø
Frist: 29.03.2023
Ansettelsesform: Fast

Vang kommune har ledig 100 % fast stilling som rådgjevar landbruk, natur og miljø, frå april 2023. Stillinga som rådgjevar arbeidar med områda knytt til naturforvaltning, derunder jord-, skogbruk, klima, natur og miljø.

Stillinga ligg i etat for landbruk og teknisk, og rapportera direkte til etatssjef. Etaten har 14 tilsette ved kontoret, i tillegg til tekniske fagarbeidarar. Etaten har eit godt arbeidsmiljø, med gode moglegheiter for fagleg utvikling.

Arbeidsoppgåver

Saksbehandling og forvaltningsoppgåver knytt til jord-, skogbruk og miljø, etter m.a. jordlova, konsesjonsloven, skogbrukslova, naturmangfoldloven, motorferdselloven, plan- og bygningsloven og forvaltningsloven
Forvaltning og kontroll av tilskotsordningar innan skogbruk
Vassforvaltning
Oppgåver knytt til klima og biologisk mangfald
Ansvar for overordna planar knytt til klima og biologisk mangfald
Bidra med landbruk og naturfaglege kompetanse i tverrfagleg samarbeid
Arbeidsoppgåver kan bli noko endra etter nytilsett sine kvalifikasjonar/interessefelt
Stillinga har stor publikumskontakt

Kvalifikasjonar

Fullført utdanning på bachelor- eller mastergradsnivå innan miljøvitskap og naturforvaltning, til dømes biologi, økologi eller naturforvaltning. Annan erfaring/kompetanse kan kompensere for manglande utdanning
Ynskjeleg med relevant erfaring/kompetanse innan offentleg saksbehandling og kjennskap til relevante lover og forskrifter
Kjennskap til kommunen sin rolle som forvaltningsmyndigheit
IKT kompetanse
Kjennskap til GIS er ynskjeleg
Gode norskkunnskapar; munnleg og skriftleg, med god framstillingsevne
Søkjar må ha førarkort klasse B og disponera bil
Personleg eignaheit for stillinga vert vektlagt

Personlege eigenskapar

Du er fagleg engasjert, strukturert og sjølvstendig
Du tek ansvar for framdrift og kvalitet i leveransane dine
Du har gode samarbeids- og kommunikasjonsevner og ser nytten av å dele kompetanse på tvers av fagfelt

Vi tilbyr

Ei spennande og utfordrande stilling
Eit inkluderande arbeidsmiljø med gode kollegaer
Høve til å vidareutvikle kommunen
Løn etter kvalifikasjonar og etter kommunens løns- og stillingsregulativ
Gode pensjons- og forsikringsordningar
Fleksibel arbeidstid

Om arbeidsgiveren

Vestlandsfjell og Austlandsklima er den slåande kombinasjonen som gjer Vangsnaturen unik. Når vangsgjeldingen i tillegg er kjent for eit godt lynne er resultatet ei fjellbygd av sjeldant godt merkje lengst vest i Valdres. I Vang finn du mykje av Jotunheimen, delar av Skarveheimen, fiskevatn, stølar, skiterreng, jaktterreng og all den plassen du kan ynskje deg av eit villmarksområde. Du finn også jordbruk, turisme og gründerar i eit levande og inkluderande bygdesamfunn. Vang er sentralt på ein litt usentral måte, det er 250 kilometer til både Oslo og Bergen og noko lenger til Trondheim. Altså er du midt i smørauget sør i Noreg i ein kommune som har framtidstru og satsar på gode kommunale tenestar på alle område: Nemnast kan nyrenovert skule med fleirbrukshall og eit rikt kulturliv.

Vang kommune er opptatt av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.

Vi gjer merksam på at søkarar kan få sitt namn gjort offentleg i søkarlista, sjølv om det er bedt om konfidensiell behandling. Du som søkar vil i tilfelle bli varsla på førehand om det.

Sektor: Offentlig
Sted: Tyinvegen 5161, 2975 Vang i Valdres
Bransje: Offentlig administrasjon,; Jordbruk og skogbruk
Stillingsfunksjon: Rådgivning,; Saksbehandler