Førsteamanuensis / førstelektor / høgskulelektor innan samfunnsvitskap

Om stillinga:

Stillinga er organisatorisk knytt til Institutt for samfunnsvitskap (ISV) med arbeidsstad ved campus Sogndal. Instituttet har ansvar for ei masterutdanning i organisasjon og leiing, to bachelorutdanningar - sosiologi og historie, og tre årsstudium - historie, samfunnsfag og ungdomssosiologi. Instituttet har i 2022 også jobba fram eit utkast til eit masterprogram i samfunnsanalyse , søknad om utgreiingsløyve vert oversendt styret våren 2023.  

HVL har som mål å utvikle eit nært samarbeid med samfunns-, arbeids- og næringsliv for å bidra til internasjonal kunnskapsutvikling som skal vere av relevans også lokalt og regionalt. Bachelorutdanningane ved ISV opnar for arbeidslivspraksis i tredje studieår - i sosiologi er praksis obligatorisk - i historie er praksis valfri. 

Stillinga omfattar undervisning i samfunnsvitskaplege emne som inngår i bachelor- og årsstudia i sosiologi og historie, og i årsstudiet i samfunnsfag. Undervisning i emnet Danning og akademisk handverk, historievarianten, samt i samfunnsfag ved lærarutdanninga vil òg kunne vere aktuelt.

Arbeidsoppgåvene vil i hovudsak vera knytt til:

• Undervisning, rettleiing, oppfølging og evaluering av studentar ved dei aktuelle fagområda, både digitalt og campusbasert
• Oppfølging av studentar i arbeidslivspraksis
• Forskings- og utviklingsarbeid med relevans for stillinga sitt fagområde
• Samarbeid om utdanning og forsking internt i FØS og i HVL, og med nasjonale og internasjonale samarbeidspartar

Det er forventa at den som blir tilsett:

• Deltek i vidareutvikling av emne og studieplanar
• Deltek i utvikling av nye relevante forskingsprosjekt og utarbeiding av søknadar om ekstern finansiering saman med kollegaer i fagmiljøet
• Deltek i institusjonsbyggande oppgåver som studiekoordinering, emneansvar og utvikling av forskingsgruppene
• Bidreg i utviklinga av fleksible utdanningstilbod retta mot regional arbeidsliv og livslang læring - fysisk og på nett
• Bidreg i andre oppgåver knytt til forsking, utvikling, formidling og innovasjon innanfor aktuelle fagområde når det er aktuelt

Kriteria for tilsetting i undervisnings- og forskarstilling går fram av Forskrift om ansettelse og opprykk i undervisnings- og forskerstillinger (https://lovdata.no/dokument/SF/forskrift/2006-02-09-129)   

Formell utdanning og kompetanse:

Til stillinga etterspør vi helst søkjarar med fagleg bakgrunn frå sosiologi eller statsvitskap, men annan samfunnsvitskapleg bakgrunn kan også vere aktuell dersom søkjaren elles har ein fagprofil som samsvarar godt med profilen på stillinga.

• For tilsetjing som førsteamanuensis er det krav om norsk doktorgrad innanfor stillinga sitt fagområde eller tilsvarande utanlandsk doktorgrad godkjend som likeverdig med norsk doktorgrad
• For tilsetjing som førstelektor må det dokumenterast omfattande forskings- og utviklingsarbeid som i kvalitet og omfang tilsvarar ein doktorgrad
• For tilsetjing som høgskulelektor er det krav om mastergrad innanfor stillinga sitt fagområde
• Utdanningsfagleg kompetanse
• Undervisningsspråket er norsk og søkjarar må meistre norsk eller eit anna skandinavisk språk i tillegg til engelsk

Utdanningsfagleg kompetanse:
Søkjarar som ved tilsetting ikkje fyller krava til utdanningsfagleg kompetanse, må fylle dei innan to år. HVL tilbyr kurs i høgskulepedagogikk. 

For stilling som førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med kriteriar for utdanningsfagleg basiskompetanse ved tilsetting og opprykk i førsteamanuensis- og professorstilling ved HVL (https://www.hvl.no/globalassets/hvl-internett/dokument/kriterier-for-utdanningsfaglig-basiskompetanse-ved-ansettelse-og-opprykk-i-forsteam-2020.pdf)-

Ønska kvalifikasjonar:

• Kompetanse innan ungdomssosiologi og samanliknande politikk
• Kompetanse innan kvantitative metodar
• Erfaring frå undervising og rettleiing i høgare utdanning
• Erfraing med digital / hybrid undervisning
• Erfaring frå søknadsarbeid knytt til ekstern finansiering og leiing av forskingsprosjekt
• Interesse for og erfaring med bruk av studentaktive læringsformer 

Personlege eigenskapar:

• Fagleg engasjement og genuin interesse for fagområdet
• Evne til å engasjere og motivere studentar
• Positiv innstilling og gode evne til tverrfagleg samarbeid
• Sjølvstendig og ansvarleg
• Fleksibel og tilpassingsdyktig
• Gode formidlingsevner både skriftleg og munnleg

Send søknad og CV ved å klikke på knappen merka "Søk stillinga" på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskapleg arbeid (inntil 10 stk)
• fullstendig publikasjonsliste
• attestar og vitnemål
• dokumentasjon på utdanningsfagleg kompetanse. For førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfaglig basiskompetanse ved ansettelse og opprykk i førsteamanuensis- og professorstilling ved HVL (https://www.hvl.no/globalassets/hvl-internett/dokument/kriterier-for-utdanningsfaglig-basiskompetanse-ved-ansettelse-og-opprykk-i-forsteam-2020.pdf) .

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsetjingar i tillegg til orginalspråket. Om det samla volumet av vedlegga er større enn 50 MB må dei komprimerast før opplasting, eller leggjast ved som lenkje.

Søkjarar med utenlandsk utdanning må i tillegg legge ved NOKUT si generelle vurdering om at utdanninga (bachelor- og mastergrad) samsvarar med norsk mastergrad. Sjå www.nokut.no for meir informasjon om vurdering av høgare utdanning. Vi gjer merksam på at søknad om vurdering frå NOKUT kan ta tid og søknaden bør sendast så tidleg som mogleg når du veit du vil søkje stillinga. Dersom du ikkje har fått svar innan søknadsfristen, legg du ved dokumentasjon frå NOKUT om at dei har mottatt søknaden din.

Opphalds- og arbeidsløyve i Norge er eit vilkår for å tiltre stillinga. 

Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen. 

Gode pensjons-, forsikrings-, og låneordningar i Statens pensjonskasse

Spanande fagmiljø med moglegheiter for kompetanseheving- og utvikling

Moglegheit for trening i arbeidstida

Stillinga er løna etter Statens lønsregulativ, i stillingskode 1011 - førsteamanuensis, 1198 - førstelektor eller 1008 - høgskulelektor.

Frå løna blir det trekt 2 % innskot til Statens pensjonskasse.

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.

Instituttleiar Tone Merete Brekke

e-post: tone.brekke@hvl.no / tlf. +47 52 70 27 41

Vi møter alle med respekt og omtanke. Ved å inkludere verdset vi mangfald og fremjar fagleg utvikling, tryggleik og trivsel.

Vi utfordrar etablerte tankesett og arbeidsmåtar. Ved å utfordre fremjar vi danning, kritisk tenking og handlekraft.

Vi utviklar og deler kunnskap og erfaring gjennom samspel internt og med omgjevnadene våre. Ved å samhandle fremjar vi kreativitet, læring, nyskaping og fagleg relevans.

Les meir på våre heimesider. (http://www.hvl.no/)

Video: https://youtu.be/z-Py_In-Eyg (https://youtu.be/z-Py_In-Eyg)