Førsteamanuensis/førstelektor/høgskulelektor i helse- og omsorgsvitskap

Stillingane er knytt til Fakultet for helse- og sosialvitskap, Institutt helse- og sosialvitskap, fagseksjon bachelor sjukepleie ved campus Stord. 

Stillingane er i hovudsak knytt til bachelor i sjukepleie, men ein må også rekne med undervisnings- og rettleiingsoppgåver på andre studietilbod i instituttet. Dei som skal tilsetjast skal hovudsakleg undervise og rettleie studentar, samt bidra med forsking og formidling innan fakultets forskingsområder. 

• Planlegge, gjennomføre, evaluere og utvikle undervisning samt rettleiing og vurdering innan fagområde helse- og omsorgsvitskap og emne knytt til fagseksjonen sine studieprogram og fakultetet sine forskingsprofilar
• Utdanningsleiing og administrativt arbeid
• Bidra til høg kvalitet og arbeidslivsrelevans i utdanninga
• Bidra til forsking, publisering og formidling knytt til fagseksjonen sine studieprogram i tillegg til fakultetet sine forskingsprofilar
• Samarbeid om utdanning og forsking internt i høgskulen, og med nasjonale og internasjonale samarbeidspartnarar
• Initiere søknadar om ekstern finansiering

Kriteria for tilsetting i undervisnings- og forskarstillingar går fram av Forskrift om ansettelse og opprykk i undervisnings- og forskerstillinger (https://lovdata.no/dokument/SF/forskrift/2006-02-09-129) fastsett av Kunnskapsdepartementet.

• Offentleg autorisasjon som sjukepleiar frå Norden
• For tilsetting som førsteamanuensis er kravet avlagd ph.d-grad og for førstelektor dokumentasjon på førstelektorkompetanse, innan relevant fagområde
• For tilsetting som høgskulelektor må søkjar ha relevant mastergrad innan relevant fagområde 
• Utdanningsfagleg kompetanse er eit krav for stillinga
• God munnleg og skriftleg framstillingsevne på norsk eller skandinavisk språk i tillegg til engelsk
• God IKT-kompetanse

Ønska kvalifikasjonar:

• Erfaring med pedagogisk utviklingsarbeid og varierte undervisningsformer frå undervisning og rettleiing i høgare utdanning
• Erfaring med internasjonalt samarbeid og/eller internasjonal arbeidserfaring
• Erfaring frå relevante forskningsprosjekt, gjerne knytt til praktiske og dagsaktuelle utfordringar innan helsetenester
• Forskingsprofil innan pasientsikkerhet, tenesteutvikling og innovasjon, e-helse eller folkehelse og erfaring med å skaffe ekstern finansering
• For kandidater med lektorkompetanse er det ønskelig med interesse og motivasjon for ei forskingsretta karriereutvikling

Personlege eigenskapar:

• Sjølvstendig og ansvarleg
• Positiv innstilling og god evne til å samarbeide med både studentar og kollegaer
• God evne til formidling
• Engasjement og interesse for fagleg og vitskapleg utvikling

Utdanningsfagleg kompetanse

Søkjarar som ved tilsetting ikkje fyller krava, må fylle dei innan to år. HVL tilbyr kurs i høgskulepedagogikk. For stilling som førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med kriteriar for utdanningsfagleg basiskompetanse ved tilsetting og opprykk i førsteamanuensis og professorstilling ved HVL (https://www.jobbnorge.no/apps/jobbadmin/project.aspx?jobid=195978&pageid=388)

Om Institutt for helse og omsorgsvitenskap

Instituttet er eit av 3 institutt ved fakultet for helse- og sosialvitskap. Fakultetet har eit bredt utdanningstilbod innan helse- og sosialfaglege profesjonsutdanningar, vidareutdanningar, masterprogram og ph.d . Les meir om fakultetet her: https://www.hvl.no/om/organisering/fhs/ (https://www.hvl.no/om/organisering/fhs/)

Institutt for helse- og omsorgsvitskap tilbyr bachelorutdanningar i sjukepleie og masterstudium i klinisk sjukepleie, jordmorfag, helsesjukepleie, samhandling og folkehelse, avansert klinisk allmenn sjukepleie og sjukepleie - kliniske spesialitetar. Bli kjent med instituttet: https://www.hvl.no/om/organisering/fhs/iho/ (https://www.hvl.no/om/organisering/fhs/iho/)

Les meir om våre forskingsgrupper her: https://www.hvl.no/om/organisering/fhs/forsking/ (https://www.hvl.no/om/organisering/fhs/forsking/)

Campus Stord er ein av 5 campus på HVL og tilbyr fleire halvt- og heilt årsstudium, bachelor- og masterprogram innan helse og sosialfag, idrett, friluftsliv og folkehelse, natur- og samfunnsfag samt lærerutdanning og kreative fag.

Korleis er det å bu på Stord?

Livet består av langt fleire ting enn jobb!

Likar du å bade eller padle? Er du glad i fjelltur eller skitur? På Stord får du både fjord og fjell!

Har du barn som likar piano eller parkour? Som elskar sjakk eller skating? Eller som drøymar om drama og dans? Her finn du eit rikt kultur-liv for barn og unge.

Stord ligg i hjarta av regionen Sunnhordland. Sunnhordland ligg mellom Bergen i nord og Haugesund i sør. Regionen omfattar 8 kommunar sør i Vestland med 60.000 innbyggjarar.

Bli kjent med kva regionen har å tilby: https://www.buisunnhordland.no/om-sunnhordland/ (http://https://www.buisunnhordland.no/om-sunnhordland/)

Bli kjent med Campus Stord: https://youtu.be/a7_xxOB1suo (https://youtu.be/a7_xxOB1suo)

Nyttig informasjon om å arbeide i Norge

Norwegian Labour and Welfare Administration: https://www.nav.no/en/home/work-and-stay-in-norway/work-in-norway (https://www.nav.no/en/home/work-and-stay-in-norway/work-in-norway)

Work in Norway: https://www.workinnorway.no/en/Guide+for+Nordic+citizens/Living+and+working+in+Norway/Working+conditions (https://www.workinnorway.no/en/Guide+for+Nordic+citizens/Living+and+working+in+Norway/Working+conditions)

Send søknad og CV ved å klikke på knappen merka "Søk stillinga" på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskaplege arbeid (inntil 15 stk.)
• fullstendig publikasjonsliste
• attestar og vitnemål. 

For førsteamanuensis skal  utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfaglig basiskompetanse ved ansettelse og opprykk i førsteamanuensis- og professorstilling ved HVL (https://www.hvl.no/globalassets/hvl-internett/dokument/kriterier-for-utdanningsfaglig-basiskompetanse-ved-ansettelse-og-opprykk-i-forsteam-2020.pdf) .

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga overstig 25 MB må dei komprimerast før opplasting eller leggjast ved som lenke.

Søknadane vert sendt elektronisk til det sakkunnige utvalet. På bakgrunn av utvalet si vurdering, vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving- og utvikling
• Høve for trening i arbeidstida

Stillinga som førsteamanuensis/førstelektor/høgskulelektor er løna etter Statens lønsregulativ, i stillingskode 1011 førsteamanuensis/1198 førstelektor/1008 høgskulelektor.

Frå løna blir det trekt 2 % innskot til Statens pensjonskasse.

Vi gjer merksam på at i tråd med offentleglova, kan opplysningar om søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teken til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting og å rekruttere personar med minoritetsbakgrunn, nedsett funksjonsevne og hol i CV. 

1) Fagseksjonsleiar Kristina Johannessen Tolås
     tlf: 53491399 
     epost: kristina.johannessen.tolas@hvl.no

2) Instituttleiar Georg Førland
     tlf: 52702636
     epost: georg.forland@hvl.no