IT-brukarstøtte servicemedarbeidar ved Ulstein vidaregåande

IT-brukarstøtte servicemedarbeidar

Ved Ulstein vidaregåande skule og stab for organisasjon og tenesteutvikling, IT-seksjonen, er det ledig 100% fast stilling ved IT-servicedesk i Team Brukaroppleving. IT-seksjonen har f.t. 42 tilsette og 23 lærlingar og er lokalisert på dei vidaregåande skulane, Campus Kristiansund, NMK i Ålesund og Fylkeshuset i Molde.

Denne stillinga rapporterer til teamleiar brukaroppleving og er lokalisert ved Ulstein vidaregåande skule.

Du får jobbe med

IT-brukarstøtte servicemedarbeidar i Team Brukaroppleving vil jobbe med brukarstøtte til tilsette og elevar i Møre og Romsdal fylkeskommune gjennom sakshandsaming i supportsystemet, chat og telefon, samt fysisk rettleiing til elevar og tilsette ved skulen. Stillinga er lokalisert ved Ulstein vidaregåande skule.

Sentrale arbeidsoppgåver vil vere:

• Brukarstøtte til tilsette og elevar i Møre og Romsdal fylkeskommune
• IT-støtte ved skulestart, eksamen og heildagsprøver
• Lokal IT-ressurs for skulen
• Opplæring i bruk av IT-tenester
• Montering og rigging av teknisk utstyr og AV-utstyr
• Klientdrift - tilrettelegging "tanking" og feilsøking
• Sakshandsaming i saksbehandlingssystemet Pureservice
• Lokal instruktør for lærlinger

Ønska kvalifikasjonar

• Fagbrev IKT-servicefag
• God forståing av IT infrastruktur
• Erfaring med servicearbeid og kundehandsaming
• Kjennskap til ITIL-metodikk

Vi ser etter ein medarbeidar som samen med oss vil strekke seg langt for å gi brukarane våre ei god brukaroppleving. Vår nye medarbeidar er imøtekomande, tolmodig og kompetent, og set brukaren i fokus.

Vi søker deg som er serviceinnstilt, pliktoppfyllande, utadvent, resultat- og løysningsorientert, og som har gode samarbeidsevner og god gjennomføringsevne. Du må vere komfortabel med telefon og chat som arbeidsverktøy og ha gode skriftlege og munnlege kommunikasjonsevner. Stor arbeidskapasitet er noko vi verdsett, og du må takle hektiske periodar. Rutinar og nye system har du ingen problem med å sette deg raskt inn i og du ønsker alltid å hjelpe andre på best mogleg måte.

Vi tilbyr

• Interessante utfordringar med gode høve til fagleg og personleg utvikling
• Aktivt arbeidsmiljø med motiverte og kunnskapsrike kollegaer
• Introduksjonsprogram
• Offentleg pensjonsordning og gode forsikringsordningar (medlemsskap i KLP)
• Løn etter avtale
• Arbeidstid frå kl. 08:00 - 15:30 med moglegheit for fleksitid etter avtale

Om arbeidsplassen

Møre og Romsdal fylkeskommune har eit datasenter med om lag 250 virtuelle og fysiske serverar, og IT-seksjonen driftar dei fylkeskommunale IT-tenestene. Vi har eit datanett for vidaregåande skule, tannhelse og sentraladministrasjon som IT-seksjonen har ansvar for. Team Brukaroppleving skal ivareta 1. linje brukarstøtte for alle IT-tenestene. Ulstein vidaregåande skule er lokalisert i Ulstein kommune, i nye og renoverte lokale i nærleiken av Høddvoll stadion, med sine ulike idrettsanlegg, som til dømes Nye Ulsteinhallen.

Skulen har følgjande programområde:

• Studiespesialiserande
• Idrettsfag
• Sal, service og reiseliv
• Informasjonsteknologi og medieproduksjon
• Elektro og datateknologi
• Påbygging til generell studiekompetanse

Andre opplysningar

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss.