Rådgivar eigedomsforvaltning

Vil du vere med å utvikle eigedomsforvaltninga i Møre og Romsdal fylkeskommune?

Vi har ledig 100% fast rådgivar stilling ved avdeling for bygg- og eigedomstenester. Vi søker deg som systematisk og sjølvstendig, og som også er god på å samarbeide og vere ein god lagspelar.

Du får jobbe med

oppgåver knytt til eigedomsforvaltning som til dømes:

• forvaltning av grunneigedomar og leigeavtaler
• nabovarsel og regulering av fylkeskommunal grunn
• kjøp og sal av eigedom
• forsikring
• eigedomsregister

Som tilsett i styringsstaben rapporterer du til avdelingssjef for bygg- og eigedomsdrift.

Vi søker deg som

har relevant utdanning, helst på masternivå og gjerne innan eigedomsforvaltning. Lang relevant erfaring kan kompensere for formell utdanning.

Vi ønsker at du har erfaring frå eigedomsforvaltning i større offentlege organisasjonar.

I tillegg blir det lagt vekt på at du:

• har evne til å arbeide sjølvstendig, systematisk og målretta
• er ein lagspelar som likar å samarbeide, dele og inkludere
• er fleksibel og har vilje til å stå på litt ekstra ved behov
• er utviklingsorientert og tar initiativ til nye arbeidsmetodar og løysingar
• har god skrifteleg og munnleg framstillingsevne på norsk

Vi tilbyr

• ein arbeidsgivarpolitikk med satsing på medarbeidarar for vekst og utvikling av best mogleg tenester
• utfordrande oppgåver i eit aktivt, utviklande arbeidsmiljø
• offentleg pensjonsordning og gode forsikringsvilkår (medlemskap i KLP)
• løn etter avtale

Om arbeidsplassen

Stillinga er plassert i sentraladministrasjonen, for tida med arbeidsstad Molde.

Bygg- og eigedomstenester i Møre og Romsdal fylkeskommune har ansvar for forvaltning, drift, vedlikehald og utvikling av fylkeskommunen sin eigedomsmasse. Eigedomsmassen består i hovudsak av vidaregåande skoler med eit bruttoareal på om lag 215.000 m2.

Andre opplysningar

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss.