2022/22 - Rådgivar/ seniorrådgivar - Avdeling for operativt tilsyn
Statens helsetilsyn
- Frist 15.2.2023
- Ansettelsesform Fast
Spennande stillingar for bioingeniør eller sjukepleiar - tilsyn med blod, celler, vev og organ
Statens helsetilsyn har det overordna ansvaret for det faglege tilsynet med sosiale tenester i Nav, barnevern-, helse- og omsorgstenesta. Statens helsetilsyn skal utvikle tilsynsverksemd og drive kompetanseoppbygging. Vidare skal vi medverke til at erfaringar frå tilsyn blir gjort tilgjengeleg for politiske oppdragsgivarar, for dei som har ansvar for tenestene og personellet der, for brukarane av tenestene, og for befolkninga.
Vi har no ledig ei fast stilling og eit vikariat med varigheit i eit år, for bioingeniørar eller sjukepleiarar med interesse for kvalitetsrevisjon. Den som blir tilsett vil ha som hovudoppgåve å planlegge, gjennomføre og følge opp tilsyn med verksemder som handterer blod, humane celler, vev og organ til bruk i pasientbehandling.
Stillingane er for tida plassert i avdeling for operativt tilsyn, og medverkar i arbeidet til statsforvalterne og andre avdelingar i Helsetilsynet.
Søkarer blir oppfordra til å informere om dei er interessert i den faste stillinga og/eller vikariatet i søknaden.
Arbeidsoppgaver
- Planlegge, gjennomføre, og følge opp tilsyn med verksemder som handterer blod, humane celler, vev og organ i tråd med gjeldande regelverk
- Stille saman og formidle funn frå tilsyn
- Halde seg oppdatert, utvikle tilsynsområdet og sørge for etterleving av nye internasjonale og nasjonale krav
- Deltaking i nasjonale og internasjonale fora på området
Arbeidet krev tverrfagleg tilnærming og samarbeid med anna fagpersonell.
Du må trivast med reiseverksemd.
Naudsynte kvalifikasjonar:
- Autorisasjon som bioingeniør eller sjukepleiar. Søkarar med anna utdanning kan vere aktuelle dersom dei har særleg relevant arbeidserfaring, til dømes frå IVF-laboratorium
- Erfaring frå eit eller fleire av dei aktuelle fagområda; blod, celler, vev eller organ
- God kjennskap til relevante forskrifter og lovverk
For å bli vurdert som seniorrådgivar, må du ha lang og relevant arbeidserfaring
Ønskte kvalifikasjonar:
- Røynsle med kvalitetsrevisjonar og/eller tilsyn
- Kunnskap om spesialisthelsetenesta
- Kunnskap om offentleg forvalting
- Kunnskap om europeisk rettleiing for god framstillingspraksis (GMP)
- Erfaring frå arbeid i internasjonale fora
- Relevant vidareutdanning eller mastergrad
- Førarkort klasse B
Personlege eigenskapar
Vi ønsker oss positive og fleksible medarbeidarar med stor arbeidskapasitet og som trivest med reiseverksemd. Du må ha evne til å tenke strategisk, ta avgjerder og fullføre saker. Vidare verdsett vi at du er initiativrik, har gode evner til tverrfagleg samarbeid, liker å arbeide grundig og har gode analytiske eigenskapar.
Du må òg ha god munnleg og skriftleg formidlingsevne, både på norsk og på engelsk.
Det vil bli lagt vekt på at du er personleg eigna.
Vi tilbyr
Løn: Rådgivar: kr 550 000 - 650 000 / seniorrådgivar: kr 580 000 – 790 000.
Frå løna blir det trekt 2 % lovfesta innskot til Statens pensjonskasse.
Statens helsetilsyn har sentrale lokale i Oslo med eiga kantine, sykkelgarasje med garderobe, og trimrom som det er høve til å nytte ein time per veke i arbeidstida.
Den statlege arbeidsstokken skal i størst mogleg grad spegle mangfaldet i befolkninga. Målet er derfor å oppnå ei balansert samansetting når det gjeld alder, kjønn og kulturell bakgrunn, og at det blir lagt til rette for personar med nedsett funksjonsevne. Statens helsetilsyn er ei inkluderande arbeidslivsbedrift (IA). Dersom det er kvalifiserte søkarar med nedsett funksjonsevne, hol i CV-en eller innvandrarbakgrunn, skal vi innkalle minst ein søkar i kvar av desse gruppene til intervju. Vi oppfordrar søkarar til å krysse av i jobbportalen dersom dei har nedsett funksjonsevne, hol i CV-en eller innvandrarbakgrunn. Vitnemål og attestar skal leggast ved søknaden.
Opplysningar om søkaren kan bli gjord offentleg sjølv om søkaren har bedt om å ikkje bli ført opp på søkarlista, jf. offentleglova § 25.
- Sektor: Offentlig
- Antall stillinger: 2
- Sted: Møllergata 24, 0179 Oslo
- Bransje: Offentlig administrasjon
- Stillingsfunksjon: Bioingeniør, Helsepersonell, Sykepleier
Nøkkelord
Tilsyn,, bioingeniør,, revisjon,, pasientsikkerhet
- FINN-kode 289750530
- Sist endret