Har du lyst å vere med å sikre rettstryggleiken for innbyggjarane i Vestland?

Hjå Statsforvaltaren har vi ein stor og dyktig stab av juristar, og no treng vi to til. Vi søkjer fortrinnsvis etter juristar som har forvaltningserfaring innafor eitt eller fleire av saksfelta i seksjonen, t.d. plan- og bygningsrett og ekteskapslova.

Statsforvaltaren har mange og spennande rettsområde fordelt på seks avdelingar med ein brei oppgåveportefølje.

Dei to stillingane høyrer til kommunalavdelinga, som har 60 tilsette i fire seksjonar. Seksjonen justis og byggesak har ansvar for sakshandsaming, rettleiing om regelverk og tilsyn innanfor mange ulike rettsområde - som til dømes kommunalrett, forvaltningsrett, rettshjelpslova, domstolslova, offentleglova, plan- og bygningsrett og ekteskapslova. Sekretariatet for samordning av statleg tilsyn ligg også til seksjonen.

Det vil vere søkjarane sine kvalifikasjonar og preferansar som vil bestemme om stillingane vil bli knytt til Bergen eller Leikanger.

Vi vil sjå arbeidsoppgåvene for dei to stillingane i samanheng. Porteføljen vi tilbyr kan derfor tilpassast erfaringa di. Vi handsamar både klagesaker og saker i første instans, førebur saker til ulike klageinstansar, og legg administrativt til rette for Regjeringsadvokaten i saker som går til domstolen. I tillegg kan det vere aktuelt med oppgåver knytt til sekretariatsfunksjonen for samordning av tilsyn og oppfølging av forvaltningsrettsgruppa som er felles for embetet.

• Cand. Jur. / master i norsk rettsvitskap
• God munnleg og skriftleg framstillingsevne på norsk (begge målformer)

Det er ønskeleg med relevant erfaring frå forvaltninga eller bransje.

Vi ser etter deg som er

• interessert i offentleg forvaltning
• positiv og fleksibel
• strukturert og sjølvstendig
• nysgjerrig og trygg i samhandling med andre

• interessante arbeidsoppgåver
• ein arbeidsplass i utvikling
• eit kompetent og godt tverrfagleg arbeidsmiljø
• medlemskap i offentleg tenestepensjonsordning
• fleksibel arbeidstid

Stillinga er lønna i stillingskode 1434 rådgjevar/ 1364 seniorrådgjevar, frå kr 530 000-650 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn.      

Statsforvaltaren ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Vi vil leggje til rette for arbeidstakarar med nedsett funksjonsevne.

Dei første seks månadane er prøvetid.

Tenestemålet er nynorsk.

Vitnemål og attestar må leggjast ved søknaden.

Søkarlista er i utgangspunktet offentleg. Du kan be om unntak dersom vilkåra i lova er til stades.

Nærare opplysningar om stillinga får du av:

• seksjonsleiar Anne Kristin Kayser Eitungjerde, telefon 57643172, e-post: fmsfaka@statsforvalteren.no
• fagdirektør Anne Kjersti Sande, telefon 55572374, e-post: fmhoaks@statsforvalteren.no