Spennande stilling innan datateknologi

Institutt for datateknologi, elektroteknologi og realfag er på jakt etter ein høgt motivert kollega i stilling som førsteamanuensis/førstelektor/høgskulelektor i datateknologi. Fagmiljøet ved ingeniørstudia ved campus Førde består i dag av rundt 20 tilsette innan datateknologi, automatisering og realfag. På forskningssida er fagmiljøet særleg sterke innan robotikk.

Instituttet er også i gang med utvikling av ein ny, tverrfagleg mastergrad i anvendt datateknologi og ingeniørfag som kan opne for moglegheiter til  å rettleie studentar på høgare nivå. Instituttet har også eit veletablert PhD-program innan datateknologi, og det er fleire stipendiatar knytt til dette programmet ved campus Førde.

Arbeidsstad er campus Førde.

Stillinga er knytt til bachelorutdanninga i informasjonsteknologi i Førde, og er i utgangspunktet ei heil stilling, men det kan også vere aktuelt å tilsette i mindre stillingsdel dersom ønskjeleg.

Arbeidsoppgåvene vil vere undervisning, rettleiing, vurdering og oppfølging av studentar innan datafagleg utdanning. Vidare er det forventa at den som blir tilsett deltek i forsking og utvikling innan relevante forskingsområde.
Den som vert tilsett i stillinga må ha brei kompetanse innan datateknologi med vekt på programmering. Det vert også lagt vekt på forskingserfaring/-kompetanse og pedagogisk kompetanse.

Aktuelle kandidatar må kunne undervise kurs i grunnleggjande og vidaregåande programmering med Java.
Vidare må ho/han kunne undervise i eitt eller fleire av temaa:

• algoritmar
• databasar
• operativsystem
• nettverk og distribuerte applikasjonar
• programmering av mobile applikasjonar

Informasjonsteknologistudiet i Førde har eit godt samarbeid med næringsklynga for IKT i nærregionen, og  per i dag er det eit fagmiljø rundt datateknologi, realfag, robotikk og automatisering i Førde. Den som vert tilsett må kunne bidra til å etablere eit fagleg miljø rundt forsking og utdanning innan datateknologi i Førde og legge til rette for samarbeidsprosjekt med næringslivet.

Kriteria for tilsetting i undervisnings- og forskarstilling går fram av Forskrift om ansettelse og opprykk i undervisnings- og forskerstillinger (https://lovdata.no/dokument/SF/forskrift/2006-02-09-129)   

Formell utdanning og kompetanse:

• mastergrad i informatikk, datateknologi eller tilsvarande.
• for tilsetting som førsteamanuensis er det krav om relevant doktorgrad innan informatikk/datateknologi. For tilsetting som førstelektor er det krav om dokumentert relevant kompetanse innan fagområde på nivå med doktorgrad.
• utdanningsfagleg kompetanse er eit krav for stillinga*
• erfaring med objektorientert programmering i Java eller liknande programmeringsspråk
• erfaring med forsking som er relevant for fagfeltet. Det vert lagt vekt på at forskingsprofilen passar inn med fagmiljøet sine eksisterande forskingsområde
• erfaring med informatikk og/eller datateknologi
• god munnleg og skriftleg framstillingsevne på norsk eller eit anna skandinavisk språk
• god munnleg og skriftleg framstillingsevne på engelsk

Ønska kvalifikasjonar:

• erfaring frå undervisning eller kursverksemd

• god kjennskap til relevant næringsliv i Sogn og Fjordane

Vi søker etter ein engasjert medarbeidar som er sjølvstendig, har innsatsvilje og gode kommunikasjons- og samarbeidsevner.

Utdanningsfagleg kompetanse*
Søkjarar som ved tilsetting ikkje fyller krava, må fylle dei innan to år. HVL tilbyr kurs i høgskolepedagogikk.
For stilling som førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med kriteriar for utdanningsfagleg basiskompetanse ved tilsetting og opprykk i førsteamanuensis- og professorstilling ved HVL (https://www.hvl.no/globalassets/hvl-internett/dokument/kriterier-for-utdanningsfaglig-basiskompetanse-ved-ansettelse-og-opprykk-i-forsteam-2020.pdf) .

Send søknad og CV ved å klikke på knappen merka "Søk stillinga" på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskapleg arbeid (inntil 15 stk)
• fullstendig publikasjonsliste
• attestar og vitnemål
• dokumentasjon på utdanningsfagleg kompetanse.

For førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfaglig basiskompetanse ved ansettelse og opprykk i førsteamanuensis- og professorstilling ved HVL (https://www.hvl.no/globalassets/hvl-internett/dokument/kriterier-for-utdanningsfaglig-basiskompetanse-ved-ansettelse-og-opprykk-i-forsteam-2020.pdf) .

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga er større enn 25 MB må dei komprimerast før opplasting, eller leggjast ved som lenkje. 

Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen. 

• Gode pensjons-, forsikrings-, og låneordningar i Statens pensjonskasse
• Spanande fagmiljø med moglegheiter for kompetanseheving- og utvikling
• Moglegheit for trening i arbeidstida

Stillinga som førsteamanuensis/førstelektor/høgskulelektor er løna etter Statens lønsregulativ, i stillingskode 1011 førsteamanuensis/1198 førstelektor/1008 høgskulelektor.

Frå løna blir det trekt 2 % innskot til Statens pensjonskasse.

Vi gjer merksam på at i tråd med offentleglova, kan søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teke til følgje.

Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.

1) Assisterande instituttleiar
     Pål Ellingsen
     E-post: pal.ellingsen@hvl.no
     Telefon: 55 58 76 02

2) Assisterande instituttleiar
     Eli Nummedal
     E-post: eli.nummedal@hvl.no
     Telefon: 48 21 87 55

Samspel, bærekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil. 

Les meir på våre heimesider. (http://www.hvl.no/)

Video: https://youtu.be/z-Py_In-Eyg (https://youtu.be/z-Py_In-Eyg)