Beredskapsrådgivar

Vil du være med å styrke og vidareutvikle beredskapsarbeidet i Helse Vest?

Helse Vest RHF (regionalt helseføretak) har det overordna ansvaret for spesialisthelsetenesta i Rogaland og Vestland fylke. Helse Vest RHF eig dei fem helseføretaka i regionen, i tillegg til Helse Vest IKT AS.

Det er mange spennande, interessante og varierte utfordringar innanfor sikkerheit- og beredskapsarbeid i Helse Vest. Utviklinga dei siste åra har ytterlegare forsterka merksemd på beredskap. For å forsterke kapasiteten på beredskapsområdet skal vi tilsette ein beredskapsrådgivar. 

Vi søkjer deg som har brei erfaring med- og stor interesse for strategisk sikkerheit- og beredskapsarbeid. Det er vidare ønskeleg at du har god kjennskap til Forsvaret og totalforsvarskonseptet.

Stillinga er plassert i Fagavdelinga i Helse Vest RHF (Stavanger).

Arbeidsoppgåver

• vidareutvikle, koordinere og styrke sikkerheits- og beredskapsarbeidet i Helse Vest RHF og bidra i Helse Vest si handtering av beredskapshendingar
• samordne beredskaps- og sikkerheitsarbeid mellom helseføretaka i føretaksgruppa Helse Vest
• oppdatere og vidareutvikle beredskapsplanverka i regionen
• samarbeide på tvers av dei fire regionale helseføretaka, med nasjonale myndigheiter, Forsvaret og andre aktuelle etatar innanfor arbeidsområdet
• vidareutvikle og styrke det sivilt-militære samarbeidet i Helse Vest
• planlegge og gjennomføre kompetansehevande tiltak som undervisning, foredrag, øvingar og anna opplæring
• delta i regionale og nasjonale forum innanfor beredskapsområdet
• delta i relevante prosjekt og utgreiingsarbeid internt, regionalt og nasjonalt
• andre oppgåver og saksbehandling for beredskaps- og sikkerheitsarbeid
  

Kvalifikasjonar

• høgare, relevant utdanning. Lang og relevant erfaring vil kunne kompensere for manglande høgare utdanning
• brei erfaring frå sikkerheit- og beredskapsarbeid på strategisk nivå
• brei erfaring frå offentleg verksemd eller andre større komplekse organisasjonar gjerne frå Forsvaret
• god kjennskap til Forsvaret og totalforsvarskonseptet
• personlege eigenskapar vil bli vektlagt

Stillinga krev at du kan sikkerheitsklarerast på nivå HEMMELIG / NATO SECRET.

Personlege eigenskapar

• du er fleksibel i tilnærminga til problemstillingane og i utføringa av oppgåvene
• du har svært gode samarbeidsevner og søkjer løysingar saman med andre
• du er ein god nettverksbyggar med sterk formidlingsevne
• du trivst med å arbeide i eit tverrfagleg miljø
• du held deg roleg, objektiv og kontrollert i stressande situasjonar, og arbeider strukturert i krevjande situasjonar

Vi tilbyr

• fagleg utfordrande og varierte arbeidsoppgåver
• gode pensjons- bank- og forsikringsordningar
  
• godt arbeidsmiljø
• konkurransedyktige vilkår

Mangfaldserklæring

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.