Bioingeniør

Avdeling for medisinsk biokjemi og blodbank er den største avdelinga i Klinikk for diagnostikk, med seksjonar ved alle dei fire sjukehusa i føretaket. Avdeling for medisinsk biokjemi og blodbank Molde har 38 stillingar med omlag 45 tilsette. Seksjonen består av fagområda preanalyse/urin, hematologi/koagulasjon, klinisk kjemi/immunkjemi, ANA/allergener/protein og blodbank/transfusjonsmedisin.
SNR, Sjukehuset Nordmøre og Romsdal, skal etter planen stå klart i 2025. Det vil vere eit pågåande OU-arbeid i samband med planlegging og bygging av nytt laboratorium ved SNR.

Vi har dyktige kollegaer som går av med pensjon og difor har vi ledig 2 faste stillingar for bioingeniør ved Medisinsk biokjemi og blodbank Molde.
Ei av stillingane med oppstart snarast, den andre frå 01.06.2023.
Vi ønskjer oss nettopp deg, som elskar bioingeniørfaget og ivrar etter å vere ei viktig brikke i spesialisthelsetenesta.
Ved Medisinsk biokjemi og blodbank Molde får du jobbe på ein arbeidsplass der du får brei erfaring innan medisinsk biokjemi. Du jobbar sjølvstendig og i team. Du får moglegheita til å jobbe med moderne analyseinstrument og er tett på pasientane. Bioingeniørane deltek i tredelt turnus og er i sentrum der det skjer!

Vi ber om at vitnemål og attestar/tenestebevis blir lasta opp som vedlegg til CV/søknad

Arbeidsoppgåver

• Analysearbeid innan medisinsk biokjemi og blodbank.
  
• Pasientretta oppgåver innan prøvetaking og preanalyse.
  
• Tapping av blodgjevarar og produksjon av blodprodukt.
  
• Tredelt turnusarbeid. Vi tilpassar turnus individuelt.
  
• Medvirke til eit godt arbeidsmiljø.

Kvalifikasjonar

• Norsk autorisasjon som bioingeniør
  
• Det blir lagt vekt på relevant praksis
  
• Må mestre norsk språk, skriftleg og munnleg

Personlege eigenskapar

• Sjølvstendig
  
• Endringsvillig
  
• Løysingsorientert
  
• Vere ein god lagspelar
  
• Må trivast i eit aktivt og travelt miljø

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår