100% stillingar som pedagogisk leiar - rekrutteringstilskot kr 100 000
Aurland kommune
- Frist 27.8.2023
- Ansettelsesform Fast
100% stillingar som pedagogisk leiar i Aurland kommune (2. gangs utlysing) - rekrutteringstilskot kr 100 000
Me har ledig
to faste 100% stillingar som pedagogisk leiar frå 01.08.2023, i Flåm barnehage og Aurland barnehage.
Flåm barnehage ligg fint til inst i Aurlandsfjorden, på Lunden i Flåm. Her har me gode moglegheiter til å bruke naturen kring oss. Der er to avdelingar med 9 tilsette og 27 barn.
Aurland barnehage sto ferdigstilt i mars i fjor, og er ein funksjonell og moderne barnehage. Aurland barnehage ligg fint til nær skule, bibliotek, fleirbrukshall og fine turområde. Der er fire avdelingar med 16 tilsette og 46 barn. Begge barnehagane har nyleg gjennomgått ei medarbeidarundersøking, og fekk veldig gode resultat.
Ansvar som ligg til stillinga
Pedagogisk leiar er ein del av leiinga i barnehagen og rapportere til tenesteleiar i barnehagen og er nærmaste leiar for personalet på avdelinga. I tillegg skal den pedagogiske leiaren ha ansvar for dagleg drift og planlegge aktivitetar på avdelinga i tråd med lover, forskrifter, rammeplan og årsplan.
Pedagogisk leiar har eit medansvar for endrings- og utviklingsarbeid i barnehagen.
Me tilbyr
- eit triveleg arbeidsmiljø
- gratis inngang til treningsrom
- gratis inngang til symjehallen etter kl. 20.00
- hjelp til å skaffe jobb til partner ved flytting til Aurland
- hjelp til å skaffe bustad
- moglegheiter for fagleg utvikling
- god tenestepensjonsordning
Sjå også gjerne informasjonsbrosjyra til Aurland kommune ved å lime inn web-lenka i søkefeltet:
https://www.visbrosjyre.no/Aurland_kommune/WebView/
Rekrutteringstilltak
Aurland kommune skal stimulere til rekruttering av barnehagelærarar ved å yte rekrutteringstilskot.
Tilskotet er på brutto kr 50 000,- per år i to år frå tilsettingsdatoen. Rekrutteringstilskotet vert ytt som ein eingongssum på kr 100 000,- i etterkant av dei to første åra som tilsett. Rekrutteringstilskotet er tidsavgrensa i perioden 2022-2026 og gjeld for stillingar der det blir stilt krav om minimum bachelorgrad som barnehagelærar.
Kvalifikasjonar
- godkjent førskulelærar / barnehagelærarutdanning
- anna treårig pedagogisk høgskuleutdanning med småbarnspedagogikk
Personlege eigenskapar
- arbeide sjølvstendig
- vere løysingsorientert
- bidra aktivt til eit godt arbeidsmiljø
- vere fleksibel og endringsvillig
- evne til å rettleie
Løns- og tilsetjingsvilkår
Tilsetting, løn og arbeidsvilkår er i samsvar med gjeldande lovverk, reglement og tariffavtale.
Gode pensjons- og forsikringsordningar.
Ved tilsetjing vert det kravd politiattest av nyare dato.
Generell informasjon om søknadsprosessen
Aurland kommune nyttar elektronisk søknadsskjema. Det betyr at vi kun tek imot søknader gjennom vår elektroniske søkjeportal. Dersom du treng hjelp til å søkje eller har problem med pålogging kan du kontakte oss på tel 57 63 29 00.
Dersom du er tilsett i kommunen eller tidlegare har søkt på ledig stilling hjå oss vil du allereie vere registrert som brukar i systemet. For å få tilsendt passord må du klikke "glemt passord".
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette i elektronisk søknadsskjema og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg.
Krav til språkkunnskapar
Den som blir tilsett må kunne kommunisere godt på norsk både munnleg og skriftleg. Aurland kommune nyttar nynorsk som målform.
Om arbeidsgiveren
Bergen. Me ynskjer å vera Noreg sin fremste kommune på heilårsturisme, og har eit
mangfaldig næringsliv i vekst. Me er om lag 1780 innbyggjarar fordelt på bygdene
Aurlandsvangen, Undredal, Flåm, Gudvangen og Vassbygdi. Aurland kommune satsar
spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng,
musikkskule, klatring, handball, fotball, friidrett og boksing. På kulturskulen kan ein få
opplæring i gitar, trommer, bass og biletkunst m.m. Aurland er ei naturperle og ideelt for
fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for
det spektakulære fjell- og fjordlandskapet. Det er kort veg til Myrkdalen, Vatnahalsen,
Sogndal og Hemsedal om du likar å gå langrenn eller vil i slalåmbakken. Vil du nyte god
mat, har me restaurant, kafé, bryggeri, og bakeri.
- Nettverk: Facebook
- Sektor: Offentlig
- Antall stillinger: 2
- Sted: Vangen 1, 5745 Aurland
- Bransje: Barn, skole og undervisning
- Stillingsfunksjon: Barnehagelærer, Pedagogisk leder
- Arbeidsspråk: Norsk
Aurland barnehage som er heilt ny! (1/3)
- FINN-kode 288877956
- Sist endret