Utløpt

Spesialist, eller Lege i spesialisering Akutt- og Mottaksmedisin (LIS AMM)

Arbeidsgiver: Helse Bergen
Stillingstittel: Spesialist, eller Lege i spesialisering Akutt- og Mottaksmedisin (LIS AMM)
Frist: 26.02.2023
Ansettelsesform: Fast

Bli kjent med Haukeland universitetssjukehus

Vi søker legar som ønsker ei spesialisering i Akutt- og mottaksmedisin.

Mottaksklinkken har 6 einingar, Utgreiingsmottak 1 og 2, Akuttmottak, Korttidspost, Diagnostisk senter og Akuttpost. Utgreiingsmottaket er eit tilbod til pasientar med behov for tverrfagleg utgreiing ved akutt sjukdom. I akuttmottak har Mottaksklinikken sine overlegar eit særskild ansvar for primærvurdering/triage, samt oppfølging av pasientar med høg hastegrad. Kortidsposten er ei observasjonseining for pasientar med avklarte problemstillingar og forventa kort liggetid. Diagnostisk senter er ein poliklinikk med ansvar for eit diagnostisk pakkeforløp for pasientar med mistanke om alvorleg sjukdom/kreft med usikker organtilhøyrsle. Akuttposten er spesialisert på rusproblematikk, i tillegg har vi ei eining for forsking og utvikling.

I 2022 ble det henvist 44 000 pasientar til Akuttmottak på Haukeland Universitetsjukehus, og det var nærare 13 000 ØH avdelingsopphald i sengeeiningane til Mottaksklinikken.

Mottaksklinikken har lege i 100% stilling ved UiB, med bistilling ved Mottaksklinikken og det pågår for tida fleire store kliniske studiar. Motiverte søkarar vil ha gode moglegheiter for å kunne delta i klinikken sin forskingsaktivitet.

Vi har ledig faste stillingar og fleire vikariat i 6 månader. Vikariat kan telle som del av spesialistutdanninga.

For fast stilling gjeld følgande:
Vi tilbyr spesialistutdanning som dekker heile utdanningsløpet i akutt- og mottaksmedisin, og dei fleste læringsmål i LIS 2 for alle indremedisinske spesialitetar. Etter fullført spesialisering vil stillinga bli omgjort til stilling som legespesialist. Vi søker primært etter LIS 3 eller erfaren LIS 2. For søkarar med mindre klinisk erfaring vil tenesta initialt fokusere på LIS 2 mål for indremedisin, for meir erfarne søkarar vil tenesta vere mer retta mot LIS 3 læringsmål i Akutt- og Mottaksmedisin med spissa teneste i Akuttmottaket. Det kan påreknast rotasjon til andre avdelingar på sjukehuset for å nå læringsmål lengre ut spesialiseringa. Etter fullført spesialisering vil stillinga bli omgjort til stilling som legespesialist.

Arbeidsoppgåver

LIS-Legane som blir tilsett vil få oppgåver i alle klinikken sine einingar, inkludert teneste i Akuttmottak og vil arbeide tett saman med klinikken sine overlegar
LIS-legane vil også ha oppgåver i teama saman med helsepersonell med ulik bakgrunn og kompetanse
Det blir vakter i Mottaksklinikken og i tillegg kjem helge- og kveldsarbeid og nattevakter i dei ulike einingane i Mottaksklinikken

Kvalifikasjonar

Mottaksklinikken søker etter LIS-legar med ulik medisinskfagleg bakgrunn
Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS-stilling i akutt- og mottaksmedisin
Norsk autorisasjon
Søkar må meistre norsk, både munnleg og skriftleg
Forskingskompetanse er ein fordel
Det er ønskeleg med fleire års erfaring frå relevant teneste i sjukehus

Personlege eigenskapar

Din motivasjon for å arbeide med akutt sjuke pasientar er veldig viktig
Vi søker deg som trivast når det er travelt, har pasienten i fokus og er opptatt av god logistikk og høg fagleg kvalitet i akuttkjeda
Du må like utgreiing og diagnostikk og du hentar fram det beste i deg når du jobbar i tverrfaglege team
Du har brei erfaring og godt klinisk blikk

Vi tilbyr

Ein unik moglegheit til utvikling av breiddekompteanse gjennom utgreeiing av pasientar med samansette og uklare problemstillingar
Høgt fokus på forsking
Spennande, aktivt og tverrfagleg arbeidsmiljø med høgt tempo
Lønn etter gjeldande overeinskomst
Moglegheit for fagleg og personleg utvikling

Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har nesten 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Haukelandsveien 22, 5022 Bergen
Bransje: Helse og omsorg
Stillingsfunksjon: Lege / LIS