KrF søkjer: Organisasjonsutviklar i 100% stilling i Møre og Romsdal KrF

Bli med på KrF-laget!

Vil du vere ein del av eit offensivt team og utgjere ein skilnad?

Vi søkjer ein organisasjonsutviklar (fylkessekretær) for Møre og Romsdal KrF i ei 100% stilling. Som organisasjonsutviklar er du dagleg leiar av fylkeslaget og jobbar tett med fylkesstyret for å dyrke fram sterke lokallag og rekruttere og inspirere medlemer, tillitsvalde og folkevalde. Du vil vere knytt til det sentrale partiapparatet ved organisasjonssjefen og vere ein del av partiet sitt organisasjonsteam som ligg tett på den politiske pulsen nasjonalt og lokalt.

Arbeidsoppgåver

• Tett kontakt med og oppfølging av lokallag, folkevalde og tillitsvalde
• Målretta rekruttering og aktivering av medlemer, tillitsvalde og folkevalde
• Skoleringsarbeid for å lyfte KrF-laget og skape større aktivitet lokalt
• Valkamp og mobilisering
• Organisasjons- og styrearbeid
• Samarbeid med fylkestingsgruppa

Ønska eigenskapar og kompetanse

• Gode relasjonelle ferdigheiter og gode samarbeidsevner
• God organisasjonsforståing og evne til å inspirere frivillege
• Nytenkjande, initiativrik og effektiv
• Gode munnlege og skriftlege framstillingsevner
• Erfaring frå organisasjons- og kampanjearbeid
• Relevant høgare utdanning innan samfunnsvitskap, organisasjonsleiing, endringsleiing eller innovasjon er ein føremon
• Kjennskap til KrF sitt verdigrunnlag og arbeid

Vi tilbyr

• Meiningsfylte og utviklande arbeidsoppgåver i eit nyskapande og offensivt arbeidsmiljø
• Innsikt i viktige politiske prosessar
• Medverking i spennande og innovative organisatoriske avgjersler
• Stor grad av sjølvstende og fleksibilitet
• Arbeidsområde og reiseverksemd i Møre og Romsdal og jamnleg arbeidsfellesskap i Oslo
• Løn etter avtale
• Pensjonsordning i KLP

Den som blir tilsett må dele KrF sitt verdigrunnlag og arbeide målretta for å realisere KrF sin vedtekne politikk. Stillinga går som "særskilt uavhengig" og det må påreknast arbeid utanfor kjernetid i samanheng med møter, organisasjonsarbeid og oppfølging av lokallag. Det må reknast med reising i heile fylket samt noko nasjonalt, og søkjaren må ha førarkort og kunne disponere bil.

Kontorstad i fylket kan drøftast.