Byggeleiar/kontrollingeniør gjennomføringsavtalar 

Vestland fylkeskommune skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylkeskommunen skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa.

På avdelinga for infrastruktur og veg (INV) tek vi vare på fylkeskommunen sine forvaltningsoppgåver som vegeigar. Fylkesvegane knyter fylket saman og skal fungere som ei trygg og føreseieleg ferdselsåre. Planlegging og utbyggingsseksjonen (PU) har ansvar for planlegging og bygging av fylkesvegar, gang- og sykkelvegar, tunnelar og bruer i Vestland fylke. Byggherre-miljøet er delt i fire geografiske einingar; Utbygging Nord (Sogn og Fjordane), Utbygging Sør og Utbygging Bergen (Bergen, Bjørnafjorden, Austevoll og Tysnes) og Utbygging Vest (Askøy, Øygarden, Nordhordland og Osterøy).

Til einingane utbygging Bergen/utbygging vest søkjer vi no etter byggeleiar/kontrollingeniør for å følgje opp private utbyggjarar som utbetrar vegane våre. Kontorlokasjon er i hovudsak Bergen, men ein av våre prosjektkontor på Askøy, Nordhordland eller Bjørnafjorden kan også verte aktuelt.

Dine arbeidsoppgåver vil vere å:

• Følgje opp kvaliteten og dokumentasjonen på det som blir bygga av eksterne utbyggjarar.
• Koordinere arbeidet med andre interne ressursar.
• Koordinere arbeidet med andre faggrupper og etatar.
• Følgje opp og bistå i utarbeidelse av avtalar med utbyggjarane.

Kvifor søkje jobb hjå oss?

Dersom du byrjar å jobbe hjå oss kan vi love deg varierte arbeidsdagar med meiningsfulle arbeidsoppgåver. Du vil få gode moglegheiter for fagleg påverknad og  personleg utvikling i eit sterkt, tverrfagleg miljø. Arbeidsmiljøet vårt er uformelt, og vi og er opptekne av å støtte og hjelpe kvarandre med det faglege. I tillegg er vi spesielt opptekne av at våre tilsette skal trivst saman på jobb. Hjå oss er det god takhøgde og vi ler saman. På denne måten får vi det beste ut av kvarandre og skapar engasjement.

I februar flyttar vi inn nytt moderne bygg midt i Bergen sentrum - noko vi gler oss til!

I fylkeskommunen har vi har gode pensjons- og forsikringsordningar, og løn vert satt etter avtale.

Kven er du og dine kvalifikasjonar?

• Du må ha minimum tre år med teknisk høgskuleutdanning. Dersom du har sterk og allsidig praksis kan vi sjå vekk frå utdanningskravet.
• Førarkort klasse B er eit krav.
• Gode kunnskapar i bruk av relevante IKT-verktøy.
• God norsk munnleg og skriftleg framstilling.
• Det er ein fordel med erfaring frå vegbygging.
• Du er strukturert og arbeidar sjølvstendig, men også saman med andre. Vi ønskjer oss også ein kollega som er engasjert og som bidreg fagleg og sosialt. Vi legg stor vekt på personlege eigenskapar.

Har du spørsmål om stillinga er du hjarteleg velkomen til å kontakte ein av våre leiarar Cathrine Botnevik eller  Kjell Hagesæter. Sjå kontaktinfo.

Ana informasjon

• Administrasjonsmålet i fylkeskommunen er nynorsk.  
• Alle nytilsetjingar i fylkeskommunen blir gjort med ei prøvetid på 6 månader. 
• Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
• Les meir om oss her: https://www.vestlandfylke.no/om-oss/organisasjon/infrastruktur-og-veg/