Vil du bidra til grøn omstilling i Vestland?
- Arbeidsgiver
- Vestland fylkeskommune
- Stillingstittel
- Rådgjevar
- Frist
- 06.02.2023
- Ansettelsesform
- Fast
Vil du vere med å legge grunnlaget for grøn omstilling i Vestland? Vil du bu på Stord? Næringslivet i Sunnhordland ligg heilt i tet i det grøne skiftet.
Vestland skal vere det leiande verdiskapingsfylket, og klima og miljø skal vere ein premiss for alt det vi gjer. I prosjektet Grøn region Vestland treng vi meir kunnskap om næringslivet i Vestland slik at vi har eit godt grunnlag for nye satsingar og prioriteringar.
Dette treng vi di hjelp til. I seksjon for forsking, kompetanse og internasjonalisering har vi ledig stilling som rådgjevar på dette feltet.
Arbeidsoppgåver
- Overvake og analysere utviklinga i næringslivet i Vestland
- Utvikle indikatorar for arbeidet med innovasjon og næringsutvikling
- Visualisere statistikk og indikatorar
- Formidle kunnskap og delta i strategiske diskusjonar om næringslivet og innovasjon
- Bidra inn i prosjektet Grøn region Vestland med spesiell vekt på dei grøne hubane i Sunnhordland
Kvalifikasjonar
Den som vert tilsett må ha
- høgare utdanning på masternivå, i fag som vektlegg kvantitative metodar (t.d. samfunnsvitskap, økonomi, matematikk, naturvitskap, geografi, statistikk...)
- gode kunnskapar om kvantitativ metode og kjennskap til analyseverktøy
Det er ein fordel med
- kvantitativ metode i masteroppgåva di
- erfaring med visualiseringsverktøy, til dømes Power BI
- kjennskap til næringslivet i Vestland
Personlege eigenskapar
- Strukturert og god gjennomføringsevne
- Omgjengeleg og samarbeidsviljug
- Gode analytiske evner
- Evne til å ta initiativ
Vi tilbyr
- Faglege og personlege utfordringar i eit godt og inspirerande arbeidsmiljø
- Gode offentlege pensjons- og forsikringsordningar
- Løn etter avtale
- Fleksibel arbeidstid
- Stilling i ei inkluderande arbeidslivsverksemd (IA-verksemd)
Andre opplysningar:
- Dersom du har spørsmål, ta gjerne ein prat med kontaktperson.
- Arbeidsstad I Leirvik på Stord.
- Administrasjonsmålet i fylkeskommunen er nynorsk.
- Alle nytilsetjingar vert gjort med ei prøvetid på 6 månader.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Lokalsamfunna er ramma for gode kvardagsliv som gjev like mogelegheiter til å delta i verdiskaping i heile Vestland. Fylkestinget er øvste politiske organ i fylkeskommunen.
- Sektor
- Offentlig
- Sted
- Vabakkjen 2, 5411 Stord
- Bransje
- Offentlig administrasjon
- Stillingsfunksjon
- Analyse,
- Rådgivning
Nøkkelord
Grønn, region;, det, grønne, skiftet;
Spørsmål om stillingen
- Kontaktperson
- Kathrin Jakobsen
- Stillingstittel
- seksjonssjef
- Telefon
- 98 25 52 53
Vabakkjen 2, 5411 Stord