Juridisk rådgjevar /seniorrådgjevar/advokat

Ny juridisk seksjon har som overordna ambisjon å dekke det aller meste av Vestland fylkeskommune sitt rettshjelpsbehov. 

I dette ligg å synleggjere og tilby kompetent juridisk rådgjeving  for heile Vestland fylkeskommune.

Juridisk seksjon har også som mål å legge til rette for møtegjennomføring i folkevalde organ i samsvar med lov og reglement, samt at fylkeskommunen tar i vare sine oppgåve knytt til stortings-, kommune og fylkestingsval.

Det er ledig stilling som juridisk rådgjevar/seniorrådgjevar innan juridisk rådgjeving og oppfølging av entreprisekontrakter. Stillinga er lagt til Bergen eller Leikanger. 

Vestland fylkeskommune skal utvikle gode lokalsamfunn og sterke by- og senterområde. Dei som brukar våre tenester skal oppleve ei fylkeskommune med høg kvalitet. 

Din primære oppdragsgivar vil være avdeling for infrastruktur og veg. Avdelinga tek vare på fylkeskommunen sine forvaltningsoppgåver som vegeigar. Fylkesvegane knyter fylket saman og skal fungere som ei trygg og føreseieleg ferdselsåre. Visjonen vår er å tilby eit effektivt, tilgjengeleg, sikkert og miljøvennleg vegsystem som dekker samfunnet sitt behov for transport og fremmer regional utvikling.

Arbeidsoppgåver

Juridisk rådgjeving og oppfølging av entreprisekontrakter er ein sentral oppgåve. Dette er kontrakt for gjennomføring og planlegging av drift- og vedlikehaldsprosjekt og bygg- og anleggsprosjekt. Det er oppfølging og rådgjeving av kontraktsforholda mellom Vestland fylkeskommune som byggherre og entreprenør. Dette er eit spesialisert og omfattande område.

Av andre oppgåve nemnast rådgjeving i samband med anskaffingar og forhandling, generelle spørsmål om eigedom, inngåande erstatningskrav utanfor kontraktsforhold, utgåande erstatningskrav, rådgjeving i samband med enkeltsaker og klagesaker knytt til veglov, nabolov, plan- og bygningslov og offentleglov mv.

Det kan også nemnast bistand i samband med rettstvistar, forliksråd og konfliktråd, høyringsuttaler, kurs for tilsette om interne standardkontrakter for Vestland fylkeskommune. 

Då juridisk seksjon har heile Vestland fylkeskommune som klient må aktuell kandidat rekne med andre juridiske oppdrag ved behov.

Kvalifikasjonar

• Krav om juridisk embetseksamen eller master i rettsvitskap
• Ønskjeleg om erfaring og kompetanse innan entreprisekontrakter
• Ønskjeleg med erfaring og kompetanse innan forhandling og tvisteløysing 
• Ønskjeleg med erfaring med å gje råd om verknad og konsekvens for innretting i samband med endring i rettsreglar.

Personlege eigenskapar

• Positiv og omgjengeleg som person
• Serviceinnstilt
• Gode samarbeidsevnar
• Sterk på prioritering for å sikre levering innan fastsatt frist

Vi tilbyr

Positivt og inkluderande arbeidsmiljø prega av rause kollegaer og godt humør

Eit stort faglet fellesskap med ein variert, spennande og om omfattande portefølje

Lønn etter avtale