Hardanger og Voss museum søkjer bygningsvernkonsulent ved Voss folkemuseum
- Arbeidsgiver
- Hardanger og Voss museum
- Stillingstittel
- Bygningsvernkonsulent
- Frist
- 06.02.2023
- Ansettelsesform
- Fast
Hardanger og Voss museum er den største kulturinstitusjonen i regionen. Museet har sett som mål at ein gjennom fagleg arbeid og stort engasjement skal vera ein sentral samfunnsaktør i regionen. Verksemda har vel 60 årsverk og omkring 60 millionar i omsetnad. Stillinga rapporterer til avdelingsleiar ved Voss folkemuseum.
Som bygningsvernkonsulent vil du fylgja opp og gjennomføra aktivitetar knytt til bygningsvern både lokalt og regionalt. Voss har mange historiske bygningar og kulturmiljø, og du vil vera ein viktig bidragsytar til bevaring av kulturminna i regionen. Rolla byr på ein variert og sjølvstendig kvardag der du vil arbeida tett med handverkarar, eigarar, forvalting og kulturvernfaglege tilsette.
Me leitar etter ein dyktig bygningsvernkonsulent med dokumentert kompetanse og engasjement for bygningsvern og formidling. Du vert motivert av ei spanande og rådgjevande rolle innan kulturfeltet.
ANSVAR OG ARBEIDSOPPGÅVER:
- Vera ein ressurs og rådgjevar for bygga Voss folkemuseum forvaltar
- Vera ein rådgjevar og støtte til kommunar og innbyggjarar når det gjeld verneverdige bygg
- Bistå med søknadsskriving, teknisk dokumentasjon og rapportering til eksterne finansieringskjelder
- Kunnskapsutvikling knytt til byggeskikk og andre aktuelle tema
- Bidra til formidling og auka interesse for bygningsvern
- Halda seg oppdatert på utviklinga innanfor feltet og delta i relevante nettverk og fora
- Andre museumsfaglege oppgåver
ØNSKA KVALIFIKASJONAR:
- Relevant høgare utdanning er ynskjeleg, til dømes arkitektutdanning, bygningsvernfag, kunst- og kulturhistoriske fag
- Kjennskap til bygningsarkeologiske undersøkingar
- Kjennskap til byggeskikk og teknisk dokumentasjon
- God digital kompetanse
- Gode språkkunnskapar på nynorsk og engelsk, skriftleg og munnleg
Talent, nysgjerrigheit og evne til å læra er viktigast. Dersom du har spisskompetanse på noko av det me er på jakt etter, og har ambisjoner og eit ynske om å utvikla deg vidare, oppmodar vi deg til å visa interesse for stillinga.
PERSONLEGE EIGENSKAPAR:
- Utviklingsorientert med stor fagleg interesse og engasjement
- Initativtakar med god gjennomføringsevne
- Gode formidlings- og kommunikasjonsevner
- Gode samarbeidsevner og god serviceinnstilling
Me tilbyr spanande og varierte utfordringar. Du vert del av eit kunnskapsrikt og inspirerande arbeidsfellesskap. Regionen har eit mangfaldig kulturtilbod, og moglegheitene for friluftsliv på fjell og fjord er aldri langt unna. Museet tilbyr konkurransedyktig løn, gode pensjons- og forsikringsordningar, bedriftshelseteneste og velferdsordningar.
Arbeidsstad vil vera ved Voss folkemusem. Det må påreknast noko reiseverksemd.
Hardanger og Voss museum som organisasjon skal i størst mogleg grad spegla mangfaldet i det norske samfunnet. Målet er difor å oppnå ei balansert samansetjing av tilsette i høve alder, kjønn og kulturell bakgrunn.
For meir informasjon, ta kontakt med rekrutteringspartnaren vår HAMNØY AS ved, rådgjevar Cathrine Vikse Johnsen, tlf. 976 09 098 eller rådgjevar Ida Eide, tlf. 993 68 003.
Vis interesse for stillinga ved å registrera CV-en og søknaden din snarast. Attestar og vitnemål skal leggjast ved søknaden. All kontakt blir handsama konfidensielt – også overfor oppdragsgjevar i
innleiande fase dersom det er ønskjeleg.
Søknadsfrist: 6. februar 2023 – søknader vert vurdert fortløpande.
Tiltreding: Etter nærare avtale.
Om arbeidsgiveren
Hardanger og Voss museum er eit konsolidert museum samansett av Hardanger folkemuseum, Agatunet, Hardanger fartøyvernsenter, Kvam bygdemuseum, Ingebrigt Vik museum, Granvin bygdemuseum, Voss folkemuseum og kunsthuset Kabuso.
Hardanger og Voss museum har stor geografisk spreiing, og avdelingane har stor tematisk breidde. I tillegg til kulturhistoriske museum omfattar Hardanger og Voss museum eitt av dei få reine skulpturmusea i landet, eit kunst- og kultursenter og eit nasjonalt fartøyvernsenter. Museet er regionmuseum for dei fire hardangerkommunane og Voss herad. For meir informasjon, sjå hardangerogvossmuseum.no
Voss folkemuseum har tre gardstun, som alle står på sine opphavlege plassar – Mølstertunet, Nesheimstunet og Oppheim gamle prestegard. I alt eig museet om lag 40 antikvariske bygningar. På Mølster ligg òg samlingsbygget, med faste og skiftande utstillingar. Voss folkemuseum har i overkant av 20 000 gjenstandar frå den lokale bondekulturen, slik han var fram til rundt 1900. Til samlingane høyrer òg eit innhaldsrikt bibliotek, fleire lokale arkiv, og rundt 70 000 fotografi. Dagestadmuseet, som viser arbeid av treskjeraren Magnus Dagestad, er òg ein del av museet. Voss folkemuseum vart skipa i 1917, og har sidan 2008 vore ein del av Hardanger og Voss museum.
- Sektor
- Privat
- Sted
- Mølstervegen 143, 5705 Voss
- Bransje
- Kunst og kultur,
- Håndverkstjenester,
- Museer, gallerier og kulturminne
- Stillingsfunksjon
- Arkitekt og planlegging,
- Håndverker / Snekker/Tømrer,
- Konsulent
Nøkkelord
arkitekt, bygningsvern, kunst, kultur, historie
Spørsmål om stillingen
- Kontaktperson
- Cathrine Vikse Johnsen
- Stillingstittel
- Rådgiver
- Telefon
- 97 60 90 98
- Kontaktperson
- Ida Eide
- Stillingstittel
- Digital markedsføring & research
- Telefon
- 99 36 80 03
Mølstervegen 143, 5705 Voss