Vil du vera med å fremja folkekultur?

Om oss og våre planar: Bygdelagssamskipnaden (BLS) er ein organisasjon for utvikling særleg av norsk folkekultur. BLS eig sitt eige hus - Bygdelagshuset i Nordahl Bruns gate 22, Oslo (sentrum). Vi ynskjer å utvide aktivitetene, ved å rekruttere fleire kulturelle grupper, gjerne også fleirkulturelle grupper. Til det treng vi hjelp av ein aktivitetskoordinator.

Oppgåver: Hovudoppgåva vil vera å verve kulturelle brukarar av våre lokale, og å stimulere til og eventuelt sjølv å arrangere kulturelle aktivitetar under BLS sin paraply, og bidra til å gjera BLS synleg utad. Ein mindre del av stillinga vil vera å etablera, gi rettleiing om og registrere leieforhold.

Ansvarsområde: Stimulere til og organisere bruk og utleige av kulturdelen av NBgt 22. Bidra til utvikling og synleggjering av BLS og medlemslag. Stimulere til aktivitetar i våre lokale, og eventuelt utanfor dei, i form av kurs, dans musikk, foredrag osb. Søkje om økonomisk støtte gjennom forskjellige offentlige og private ordningar.

Stillingsfunksjoner: Aktivitetskoordinator, aktivitetsleder/leiar, administrasjon, inspirator, arrangør.

Ynskte kvalifikasjonar: Interesse for folkekultur - med særleg fokus på folkedans og folkemusikk. Evne til å vera ein entusiastisk ambassadør for folkekultur og til å etablere tilhøyrande nettverk. Meistre sosiale medier. Organisatorisk kompetanse (administrativt, økonomisk). Du er ryddig, strukturert, fleksibel, utadvendt og initiativrik.

Vi kan tilby: 50-100% stilling (med prøvetid). Fleksitid, med noko kveldsarbeid. Løn etter avtale. Kontor i BLS sin bygning i Nordahl Bruns gate 22, Oslo sentrum.

Tiltreding frå 1. mars. Ny, utsatt søknadsfrist