Er du god på administrasjon og ynskjer eit spennande vikariat?

Vi søker deg som er motivert og som kan ta eit sjølvstendig ansvar for varierte administrative oppgåver. Du er ein engasjert og ryddig kollega som har gode kommunikasjonsevner og som jobbar godt saman med ulike typar menneske. Du gir god service og er nøyaktig i arbeidet ditt.

NHH har ledig vikariat som administrativ koordinator ved Institutt for fagspråk og interkulturell kommunikasjon. Vikariatet har oppstart medio mars 2023 og er ledig ut januar 2024, med moglegheit for forlenging. Som vår nye koordinator vil du ha eit nært samarbeid med administrasjonssjefen på instituttet og støtte leiinga i den daglege drifta av instituttet. Du vil ha ei brei kontaktflate og ha utstrekt kontakt med fagstab, ph.d.-studentar, NHH sin fellesadministrasjon og eksterne samarbeidspartnarar. Hos oss vil du få mange og varierte arbeidsoppgåver, mellom anna administrativt ansvar for Autorisasjonsprøve i omsetjing, planlegging av undervisning og eksamen, samt ansvar for instituttet sine nettsider.

Institutt for fagspråk og interkulturell kommunikasjon (https://www.nhh.no/en/departments/professional-and-intercultural-communication/research/) har 11 tilsette i vitskaplege stillingar, tre ph.d.-studentar og ein administrativ stab på to personar (inklusiv denne stillinga). Instituttet er leiande fagmiljø for forsking og undervisning innan fagspråk og interkulturell kommunikasjon, spesielt innanfor fagområda økonomi og administrasjon. FSK tilbyr emne i språk og interkulturell kommunikasjon. Instituttet tar og hand om NHH sitt samfunnsoppdrag for å forvalte autorisasjonsordninga for statsautoriserte translatørar.

• planlegge og koordinere Autorisasjonsprøve i omsetjing
• bestille varer i økonomisystemet, handtere bilag, kontere og attestere
• saksbehandle for instituttstyret, skrive innkalling og protokoll
• administrere eksamen og koordinere det ordinære undervisningstilbodet ved instituttet
• yte service til besøkande, gjesteforelesarar og fast tilsette
• redigere websidene

Andre oppgåver kan bli lagt til stillinga ved behov.

• høgare utdanning, minimum på bachelornivå (relevant realkompetanse kan i særskilte unntak erstatte utdanningskravet)
• god digital kompetanse
• gode kommunikasjonsevner på norsk og engelsk, både skriftleg og munnleg
• relevant arbeidserfaring

Det er ein føremon om du har

• erfaring frå sakshandsaming- og økonomisystem
• erfaring frå universitets- og høgskolesektoren og kjennskap til Felles Studentsystem (FS)
• arbeidserfaring frå eit internasjonalt miljø
   

• liker å yte god service, er omgjengeleg og har evna til å jobbe godt saman med ulike typar menneske
• jobbar effektiv, strukturert og nøyaktig
• tar sjølvstendig ansvar og er fleksibel i møte med varierte arbeidsoppgåver
• har god oversikt i ein tidvis hektisk kvardag

• jobb i ein organisasjon som utfører spennande og samfunnsnyttige oppgåver
• varierte oppgåver og utfordringar
• eit triveleg og stimulerande arbeidsmiljø med gode kollegaer
• fleksibel arbeidstidsordning og inkluderande arbeidsliv
• gode forsikrings-, pensjons- og låneordningar i Statens pensjonskasse (https://www.spk.no/) (www.spk.no)
• velferdsgode som subsidiert trening ved Sammen, bedriftshytte og gratis parkering
   

Stillinga har kode 1408 førstekonsulent og blir lønna etter statens regulativ frå kr. kr 470 900 - 509 100 per år avhengig av kvalifikasjonar. For særleg kvalifiserte søkarar kan høgare løn bli vurdert. Eit innskot på to prosent til Statens pensjonskasse (http://www.spk.no/) blir trekt frå lønna. I tillegg betalar NHH som arbeidsgjevar 9,8 prosent.

NHH legg vekt på mangfald. Vi oppmodar derfor alle som er kvalifiserte om å søke stillinga utan omsyn til kjønn, alder, funksjonshemming, kulturell bakgrunn og/eller hol i CV-en.

Vi gjer merksam på at opplysningar om søkarar kan bli offentleggjorde sjølv om søkaren har bede om å bli unnateken frå søkarlista. Søkarar vil bli informerte om dette på førehand.

Dersom du ønsker meir informasjon om stillinga, kan du kontakte administrasjonssjef Silje Grønner Stang,
e-post: silje.stang@nhh.no, telefon: + 47 55 95 99 46 / 915 95 447.

Søknadsfrist 08.01.2023