Rådgivar (jurist)
- Arbeidsgiver
- Helse Bergen
- Stillingstittel
- Rådgivar (jurist)
- Frist
- 15.01.2023
- Ansettelsesform
- Fast
Ved Forskings- og utviklingsavdelinga, Seksjon for forsking og innovasjon er det ledig ein fast 100% stilling som rådgivar (jurist).
Seksjonen arbeider for å styrke forskings- og innovasjonsaktiviteten både i Helse Bergen og i dei andre helseføretaka i Helse Vest. Vi gjev profesjonell administrativ støtte og utviklar og driftar IKT-løysingar for forsking og innovasjon. Seksjonen er eit bindeledd mot dei universitets- og høgskulebaserte forskingsmiljøa, og har viktige roller i regionale og nasjonale nettverk for forsking og innovasjon. I seksjonen er det om lag 67 høgt kompetente medarbeidarar med variert bakgrunn som utgjer eit spennande fagmiljø.
Ei sentral oppgåve for seksjonen er å støtte forskingsmiljøa og sjukehusleiinga med avtaleinngåing for kliniske studiar i prosjekt med utprøving av medisinsk utstyr. Vidare gir seksjonen administrativ støtte med å utarbeide kontraktar for andre kliniske studiar, forskings- og innovasjonsprosjekt med næringsliv, andre helseinstitusjonar, universitet og høgskular. Seksjonen har ansvar for å utvikle,kvalitetssikre og gjere tilgjengelig retningslinene for forsking og innovasjon. Helse Bergen er ein aktiv partnar i NorCRIN-nettverket som jobbar for sentraliserte prosedyrar og avtaletemplat nasjonalt.
Seksjonen har fått auka ansvar for oppfølging av forsking i heile Helse Vest, og vi treng no ein ny medarbeidar med interesse for forskings- og innovasjonsaktivitetar i sjukehus.
Arbeidsoppgåver
- Juridisk rådgiving, særskild knytt til avtale- og kontraktarbeid i samband med forskings- og innovasjonsprosjekt. Koordinere, følge opp og forvalte denne saksporteføljen
- Oppgåver knytt til regelverk for økonomisk støtte
- Oppgåver knytt til forskingsetikk, personvern og rutinar for forsking
- Delta og bidra i nasjonale og internasjonale forskingsstøttenettverk
- Utgreiingsarbeid, saksførebuing og oppfølging av saker innan seksjonen sitt ansvarsområde, derunder høyringar og tilsynssaker mv.
- Ved behov kunne utføre andre oppgåver som ligg til Seksjon for forsking og innovasjon
Kvalifikasjonar
- Mastergrad i rettsvitskap
- Kompetanse og erfaring frå offentleg saksbehandling er ønskeleg
- Kjennskap til utforming av kontraktar innan forsking og innovasjon er ønskeleg, derunder samarbeidsavtalar mellom forskingsinstitusjonar
- Interesse for avtalerett, immaterialrett og personvern
- Erfaring frå forskingsadministrasjon er ønskeleg
- Svært gode kunnskapar i norsk og engelsk
Personlege eigenskapar
- Vere initiativrik, sjølvstendig og analytisk
- Vere fleksibel og jobbe i tverrfaglege team
- Kunne jobbe målretta og resultatorientert
- Ha stor arbeidskapasitet
- Det blir lagt vekt på personleg engasjement, å vere eigna til jobbens krav og å ha gode samarbeids- og kommunikasjonsevner
- Ha eit godt juridisk skjønn, og kunne gje rette og gode juridiske råd
Vi tilbyr
- Spennande utfordringar i ein organisasjon i sterk utvikling med dyktige og engasjerte kollegaer
- Nødvendig opplæring og støtte frå erfarne kollegaer
- Interessante og krevjande arbeidsoppgåver
- Vi oppmodar også nyutdanna juristar til å søkje. Søkjarar med erfaring innan forskingsadministrasjon vil verte vurdert for stillingskategorien seniorrådgivar eller spesialrådgivar.
- Konkurransedyktig lønn, etter avtale
- Ei av landets beste pensjonsordningar
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har nesten 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor
- Offentlig
- Sted
- Haukelandsveien 28, 5009 Bergen
- Bransje
- Juridiske tjenester,
- Helse og omsorg,
- Forskning, utdanning og vitenskap
- Stillingsfunksjon
- Jurist
Nøkkelord
jurist,, forsking,, forskning,, avtale,, kontrakt,
Spørsmål om stillingen
- Kontaktperson
- Anne Mathilde Henden Kvamme
- Stillingstittel
- Fagleiar
- Telefon
-
55 97 07 95
90 65 52 38
Haukelandsveien 28, 5009 Bergen