Førstekonsulent innan campus og materialforvaltning

NTNU er eit breddeuniversitet med ein teknisk-naturvitskapleg hovudprofil og eit tyngdepunkt
innafor profesjonsutdanning. Universitetet er lokalisert i tre byar med hovudsete i Trondheim.

På NTNU jobbar 9 000 tilsette og 42 000 studentar med å skape kunnskap for ei betre verd.

Video: https://youtu.be/Xt-yHCN5QS0 (https://youtu.be/Xt-yHCN5QS0)

Institutt for lærarutdanning (https://www.ntnu.no/ilu) er det største fagmiljøet innan lærarutdanning og utdanningsforsking i landet. Vi har lokala våre på campus Kalvskinnet, der våre tilsette og studentar er fordelte på mange bygg med ulike eigarar. Areala har ulike kvalitetar, og vi ønsker å utvikle ein campus som legg enno betre til rette for verksemda ved instituttet. Vi har også ansvar for spesialrom der det er særlege krav til helse, miljø og sikkerheit for brukarane. Vi søker etter ein førstekonsulent som kan styrke arbeidet vårt med å følgje opp utstyr, arealforvalting og HMS-arbeid.

Instituttet vårt er ei av fleire einingar som er lokaliserte på campus Kalvskinnet. Den som blir tilsett vil samarbeide nært med ulike instansar om forvalting og utvikling av areala.

Vi søker deg som ønsker å arbeide med å forvalte og utvikle areala og utstyrsparken til instituttet, der målet er eit campus som så godt som mogleg støttar læring og forsking innanfor lærarutdanningane. Du likar ein arbeidskvardag med varierte oppgåver, frå logistikk og planlegging til meir operative oppgåver knytt til den daglege drifta. Du trivst i ei rolle med stor kontaktflate der du må legge til rette for godt samarbeid og dialog i ulike relasjonar, og du kan navigere i eit arbeidsfelt der det er ulike behov og interesser. Vi legg vekt på eit opent og støttande arbeidsmiljø der vi søker stadig utvikling og forbetring.

Du vil gå inn i eit team som arbeider med HMS, arrangement, innkjøp og dagleg drift av instituttet og arbeide tett saman med HMS-koordinator. Din nærmaste leiar vil vere kontorsjefen ved Institutt for lærarutdanning. Instituttet arbeider med eit utviklingsprosjekt for administrasjonen, og det kan bli endringar i organisering og leiing.

Oppgåvene i stillinga vil i hovudsak vere å

• ha oppsyn med utstyr og material i samarbeid med leiarar og administrasjonen, mellom anna halde oversikt over samla eigedelar, følgje opp reparasjons- og servicebehov på utstyr og vurdere behov for innkjøp
• samarbeide med eigedomsavdelinga, utleigarar, fakultet, studentar og tilsette om utvikling av det fysiske arbeidsmiljøet for studentar og tilsette
• støtte instituttet sine leiarar i saker som gjeld campusutvikling, læringsmiljø og arbeidsmiljø
• delta i HMS-arbeid, til dømes ta del i HMS-rundar, arbeide ut og halde ved like vernekort, lokale planar og retningslinjer for HMS
• legge til rette for medverknad og informasjon om campusutvikling og arealbruk
• handsame saker og forvalte arealbruk for studentar og tilsette
• løyse andre oppgåver knytt til den daglege drifta av instituttet

Arbeidsoppgåvene i stillinga kan endre seg over tid. Arbeidsstaden er for tida på Kalvskinnet i Trondheim.

Den vi ansetter må ha:

• relevant utdanning frå universitet eller høgskule tilsvarande minst bachelornivå eller tilsvarande. Realkompetanse som er relevant for dei konkrete oppgåvene i stillinga kan erstatte utdanningskravet.
• relevant erfaring frå administrativt arbeid eller anna arbeid med forvaltning
• god munnleg og skriftleg framstillingsevne på norsk og engelsk
• god kompetanse i å bruke ulike digitale verktøy og digitale samarbeidsflater

I tillegg ønsker vi at du har erfaring frå

• arbeid med arealforvalting, utstyrsforvaltning og HMS
• sakshandsaming i offentleg sektor
• leiarstøtte

• Du arbeider strukturert, effektivt og sjølvstendig.
• Du er god til å bygge relasjonar og legge til rette for godt samarbeid med tilsette, studentar og andre einingar ved NTNU.
• Du trivst i ein arbeidskvardag med høgt tempo og varierte arbeidsoppgåver.

Når vi vurderer den best kvalifiserte, legg vi vekt på utdanning, erfaring, personlege eigenskapar og motivasjonen du har for stillinga.

• spennande og utviklande oppgåver i eit sterkt og internasjonalt fagmiljø
• eit opent og inkluderande arbeidsmiljø (https://innsida.ntnu.no/wiki/-/wiki/Norsk/Inkluderende+arbeidsliv) med engasjerte kollegaer
• gunstige vilkår i Statens pensjonskasse (https://www.spk.no/Medlemskap-i-SPK/)
• tilsettegoder og fordelar (https://innsida.ntnu.no/wiki/-/wiki/Norsk/Ansattgoder+og+fordeler)

I stillinga som førstekonsulent kode 1408 vil du normalt få ei løn brutto kr 478 300 - 563 500 pr. år avhengig av kvalifikasjonar og ansiennitet. Frå løna blir det trekt 2 % lovfesta innskot til Statens pensjonskasse.

Tilsetjinga blir gjennomført etter prinsippa i statsansatteloven (https://lovdata.no/dokument/NL/lov/2017-06-16-67), og lovverk som regulerer eksport av kunnskap, teknologi og tenester. Etter tilsetjinga må du rekne med at det kan skje endringar i arbeidsområdet.

Det er ein føresetnad at du kan vera til stades ved og tilgjengeleg for institusjonen på dagleg basis.

Ver merksam på at søknaden berre blir vurdert ut frå informasjonen vi har når søknadsfristen går ut.

Sjå derfor til at søknaden din tydeleg viser korleis kompetansen og erfaringane dine oppfyller kriteria som er skildra over.

Søknaden må innehalde:

• CV, attestar og vitnemål
• namn og adresse til tre relevante referansar

Dersom heile eller delar av utdanninga di er tatt i utlandet, ber vi deg i tillegg legga ved dokumentasjon på omfang og kvalitet for heile ditt utdanningsløp, både bachelor- og masterutdanning, i tillegg til anna høgare utdanning. Skildring av kva dokumentasjon som er nødvendig finn du her (https://www.ntnu.no/stillinger/dokumentasjon-av-utenlandsk-utdanning). Dersom du allereie har ei utsegn frå NOKUT, er det fint om du legg ved ho òg.

Inkludering og mangfald er ein styrke. Vi ønsker at våre tilsette skal spegla befolkninga, og søker til kvar tid dei beste hovuda.?Dette gir NTNU auka produktivitet, innovasjon, betre avgjerdsprosessar, auka medarbeidartilfredsheit og det konkurransefortrinnet vi treng for å gjennomføra samfunnsoppdraget vårt innan forsking og utdanning. 
NTNU legg vekt på tilrettelegging og oppfordrar deg som kvalifisert kandidat til å søka uavhengig av kjønn, funksjonsevne, hol i CV eller kulturell bakgrunn. 

Som tilsett ved NTNU må du til kvar tid retta deg etter endringar som utviklinga i faget medfører, og dei organisatoriske endringane som blir vedtatte.

Offentleg søkarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønsker å reservera deg frå oppføring på offentleg søkarliste må dette grunngivast. Vurdering vil bli gjort i samsvar med gjeldande lovverk (https://lovdata.no/dokument/NL/lov/2006-05-19-16/KAPITTEL_3#%C2%A725). Du vil bli varsla om reservasjon ikkje blir tatt til følgje.

Viss du har spørsmål om stillinga kan du ta kontakt med Øystein Wormdal, tlf. 90141962, e-post oystein.wormdal@ntnu.no.  

Viss du har spørsmål om tilsettingsprosessen kan du ta kontakt med HR rådgivar Aaste Line Strand, e-post aaste.l.strand@ntnu.no. 

Synes du dette ser interessant ut, og i samsvar med kvalifikasjonane dine, sender du oss søknaden din elektronisk via jobbnorge.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din 

 Søknadsfrist: 08.01.2023