Utløpt

Seniorrådgjevar - kontraktsforvaltar

Arbeidsgiver: Vestland fylkeskommune
Stillingstittel: Seniorrådgjevar
Frist: 03.01.2023
Ansettelsesform: Fast

Vil du bidra til å betre kvaliteten i Skyss sine mobilitetstenester? Skyss jobbar aktivt med å tilby våre reisande kvalitet i reiser med buss, bybane, båt og ferje i Vestland, og tenestene vert utført av operatørselskap som Skyss har avtale med. Kontraktavdelinga i Skyss har livssyklusansvar for alle transportkontraktar i Skyss, og dermed ansvar for førebuing av anskaffingar, gjennomføring av anskaffingar og dagleg oppfølging av inngåtte kontraktar.

Vi skal no rekruttere seniorrådgjevar - kontrakt, som vil inngå i vårt team av kontraktsforvaltarar som følgjer opp Skyss sine mobilitetskontraktar.

Arbeidsstad for stillinga er Bergen, Førde eller Leikanger. Skyss i Bergen er midlertidig lokalisert på Sandsli i påvente av nye lokaler i sentrum som skal stå klare i februar 2023.

Vår nye seniorrådgjevar vil få oppfølgingsansvar for ein portefølje av kontraktar. Du skal fasilitere operatørkontakt, bidra i anskaffingsprosess for mobilitetskontraktane og sikre implementering av nye mobilitetskontraktar. Vidare vil du i denne stillinga ansvar for å aktivt auka kvalitet og miljø i leveransen gjennom utvikling, dialog og bruk av relevante kontraktmekanismar (bonusordningar, sanksjonar mv.).

Seniorrådgjevar skal arbeide aktivt med leverandørutvikling gjennom å koordinere tilbakemeldingar som kan styrke operatørane sine leveransar. Ein skal stimulere til ein god leverandørmarknad, og sikre og utvikle ein god plattform for strategisk samarbeid med våre operatørar. I tillegg skal ein inneha og forvalte kunnskap om aktuelt transportmateriell, være fleksibel og støtte organisasjonen i det behovet som til ein kvar tid skulle eksistere, og ha eit aktivt forhold til verdiane våre – kompetent, open og modig.

Vi søkjer deg med høgare, relevant utdanning – på masternivå – som kan vise til gode resultat i utdanning og arbeid. Det vil vere ein fordel om du er jurist. I tillegg til relevant erfaring frå kontraktarbeid og oppfølging av leverandørar, ser vi for oss at du har erfaring frå prosjekt-/prosessleiing. Det er og ein fordel om du har kjennskap til transportnæringa, men viktigare er det at du har ein sterk driv for digitalisering og utviklingsarbeid.

Det er viktig at du har evne til å omsette strategiske mål i konkrete resultat, både sjølvstendig og i
samarbeid med andre. Du må ha sterk formidlingsevne, skriftleg og munnleg, og aktivt bruke dine gode relasjonelle eigenskapar til å bygge langsiktige, positive prosessar og samarbeid - både eksternt og internt. I tillegg må du være open, fleksibel og engasjert, og aktivt dele og utvikle din kunnskap saman med andre. Du må møte krevjande situasjonar med godt pågangsmot, og stå stødig i hektiske periodar.

Vi tilbyr ei fagleg utfordrande og spennande stilling med gode moglegheiter for fagleg utvikling. I tillegg tilbyr vi

Fleksibel arbeidstidsordning
løn etter avtale og
gode offentlege pensjons- og forsikringsvilkår gjennom Vestland fylkeskommune

Andre opplysningar:

Administrasjonsmålet i Vestland fylkeskommune er nynorsk
Alle nye tilsettingar vert gjort med ei prøvetid på 6 månader
Vi gjer merksam på at i følgje offentleglova § 25,2.ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjar som har bedt om unntak vil alltid bli varsla på førehand dersom søkjarlista vert offentleggjort.

Om Skyss

Skyss har ansvaret for det offentlege tilbodet med buss, bybane, båt og ferje i Vestland fylke. Vi er eit kompetanseorgan for mobilitet og kollektivtrafikk i fylket, og skal sikre at vi når dei politiske måla som fylkestinget set for kollektiv- og mobilitetstenester. Skyss sitt mål er å gjere det mogleg for kvar enkelt å reise berekraftig frå der du er til dit du skal.

Skyss skal bidra til å nå klimamåla i Parisavtalen. Vi skal gjennom ein forretningsmessig og digital transformasjon, slik at vi kan sikre samanheng i mobilitetstenester på nye måtar til det beste for innbyggarane i Vestland. For å få dette til, må vi styrke laget med nøkkelpersonar som har interesse for mobilitet og som ønsker å bygge bru mellom dagens løysingar og eit mobilitetstilbod for framtida. Skyss er ei eining i Vestland fylkeskommune, har om lag 100 tilsette og eit budsjett på vel 4 milliardar kroner.

Om arbeidsgiveren

Skyss utviklar framtidas reiseoppleving, og skal tilby attraktiv mobilitet og bidra til berekraftige byar og bygder i Vestland. Skyss har som mål å gje den enkelte moglegheit for å reise berekraftig frå der du er til dit du skal. Dette gjer dei ved å utvikle og tilby kollektiv- og mobilitetstenester. I dag omfattar det buss, bybane, ferje og båt i heile Vestland fylke. Skyss sitt arbeidsfelt vil gå igjennom store endringar i åra som kjem. Vi arbeider aktivt med bidrag til å nå klimamåla i Parisavtalen, og gjennomgår ein forretningsmessig og digital transformasjon som gjev moglegheiter for å sikre samanheng i mobilitetstenester på nye måtar til det beste for innbyggarane i Vestland. For å få til dette må vi styrke laget med nøkkelpersonar som har interesse for mobilitet og som ønsker å bygge bru mellom dagens løysingar og framtidas mobilitetstilbod. Skyss er ei eining i Vestland fylkeskommune med om lag 100 tilsette og eit budsjett på vel 4 milliardar kroner.

Sektor

Offentlig

Sted

Sandslihaugen 30, 5254 Sandsli

Flere arbeidssteder