Seniorrådgjevar - prosjektleiar

Ønsker du å påverke framtidas mobilitetsløysingar i Vestland og fylle kvardagen med samfunnsnyttige og meiningsfulle arbeidsoppgåver? Då er dette jobben for deg.

Skyss jobbar aktivt med å tilby våre kundar eit godt og berekraftig reisetilbod med buss, bybane, båt og ferje i Vestland, og tenestene vert utført av operatørselskap som Skyss har avtale med. Kontraktavdelinga i Skyss har livssyklusansvar for alle mobilitetskontraktane i Skyss, og dermed ansvar for førebuing av anskaffingar, gjennomføring av anskaffingar og dagleg oppfølging av inngåtte kontraktar.

Vi skal no styrke kapasiteten vår ved å rekruttere ny prosjektleiar som vil ha prosessansvar for mobilitetsanskaffingar i Skyss. I stillinga inngår også ansvar for å leie andre prosjekt, til dømes relatert til implementering av nye kontraktar. Vidare må du pårekne å gje støtte til dei som har det daglege oppfølgingsansvaret for kontraktane.

Arbeidsstad for stillinga er i Bergen, Førde eller Leikanger.

Vår nye prosjektleiar vil spele ei sentral rolle i å realisere Skyss sine strategiar. Hovudvekta av arbeidet vil vere å leie anskaffingar av mobilitetsoppdrag relatert til dei transportmiddel Skyss har ansvar for. Ein vesentleg del av dette arbeidet vil vere knytt til  planlegging og utarbeiding av oppdragsspesifikasjon  for framtidige mobilitetskontraktar.

Dette er eit arbeid som krev politisk forankring, brei intern koordinering og innsikt i kva marknaden kan levere gjennom marknadsdialog.
Dette er komplekse prosessar som krev tydeleg prosessleiing og god samhandling med ulike kompetansemiljø. Produktet er kontraktar som sikrar innbyggjarane i Vestland berekraftige mobilitetskontraktar med høg kvalitet.

Vi søker deg med høgare relevant utdanning på masternivå – som kan vise til gode resultat i utdanning og arbeid. Vi er ute deg med erfaring innan prosjekt- /prosessleiing. Det er ein fordel om du kan vise til kompetanse og erfaring innan offentlege anskaffingar. Kontraktskompetanse og juridisk kompetanse vil også bli vektlagt positivt.

Det er viktig at du har evne til å omsette strategiske mål til konkrete aktivitetar og resultat, både sjølvstendig og i samarbeid med andre. Du må ha evne til å leie kunnskapsmedarbeidarar innanfor ulike fagfelt, og sjå samanhengane mellom fagfelta i ein større heilskap. Du må evne å møte krevjande situasjonar med godt pågangsmot, og stå stødig i hektiske periodar.

Du må i tillegg ha sterk formidlingsevne, skriftleg og munnleg, og aktivt bruke dine relasjonelle eigenskapar til å skape positive prosessar og samarbeid – både eksternt og internt. I tillegg må du vere strukturert, open, fleksibel og engasjert.

Vil tilbyr ei fagleg utfordrande og spennande stilling med gode moglegheiter for fagleg utvikling. I tillegg tilbyr vi

• engasjert og utviklingsorientert arbeidsmiljø med gode kollegaer,
• fleksibel arbeidstidsordning
• løn etter avtale og
• gode offentlege pensjons- og forsikringsordningar gjennom Vestland fylkeskommune

Andre opplysningar:

• Administrasjonsmålet i Vestland fylkeskommune er nynorsk
• Alle nytilsettingar vert gjort med ei prøvetid på 6 månader
• Vi  gjer merksam på at i følgje offentleglova § 25,2.ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjar som har bedt om unntak vil alltid bli varsla på førehand dersom søkjarlista vert offentleggjort
• For søkjarar med arbeidsstad Bergen tilbyr vi frå 23. februar 2023 nye attraktive kontorlokale i Bergen sentrum

Om Skyss

Skyss har ansvaret for det offentlege tilbodet med buss, bybane, båt og ferje i Vestland fylke. Vi er eit kompetanseorgan for mobilitet og kollektivtrafikk i fylket, og skal sikre at vi når dei politiske måla som fylkestinget set for kollektiv- og mobilitetstenester. Skyss sitt mål er å gjere det mogleg for kvar enkelt å reise berekraftig frå der du er til dit du skal. 

Skyss skal bidra til å nå klimamåla i Parisavtalen. Vi skal gjennom ein forretningsmessig og digital transformasjon, slik at vi kan sikre samanheng i mobilitetstenester på nye måtar til det beste for innbyggarane i Vestland. For å få dette til, må vi styrke laget med nøkkelpersonar som har interesse for mobilitet og som ønsker å bygge bru mellom dagens løysingar og eit mobilitetstilbod for framtida. Skyss er ei eining i Vestland fylkeskommune, har om lag 100 tilsette og eit budsjett på vel 4 milliardar kroner.