Rådgjevar
- Arbeidsgiver
- Helse Førde
- Stillingstittel
- Rådgjevar
- Frist
- 03.01.2023
- Ansettelsesform
- Vikariat
Helse Førde har ledig eit års vikariat som rådgjevar i 100% stilling i Seksjon for forsking og innovasjon. Oppstart i stillinga frå snarast.
Stillinga er plassert i Fag- og utviklingsavdelinga, Seksjon for forsking og innovasjon. Forskings -og innovasjonsverksemda er under oppbyggjing, og gode støttesystem for å stette nasjonale krav til forsking og innovasjon er under utvikling. I tillegg har seksjonen ei analyseeining som jobbar med analysar rundt variasjon i forbruk av helsetenester på kommunenivå, og i spesialisthelsetenesta.
For å bli betre kjent med FOI-aktiviteten vår kan du lese i dette magasinet.
Arbeidsoppgåver
Stillinga er variert og inneheld ulike administrative oppgåver og sakshandsaming knytt til forsking og innovasjon. Stillinga krev eit tett samarbeid både med forskarar, leiarar, stabsområde i Helse Førde, nasjonale og internasjonale partnarar.
Generelle arbeidsoppgåver:
- Forskingsadministrativ støtte til leiing, fagmiljø, og eksternt finansierte prosjekt
- Saksførebuing, oppfølging, rapportering, og utgreiing knytt til ansvarsområdet
- Ansvar for rapportering nasjonalt og regionalt i samarbeid med seksjonsleiar
- Oppfølging knytt til drift av prosjekt: økonomi, koordinering, rapportering
- Utlysing av interne midlar til forsking og innovasjon
- Vedlikehalde og oppdatere internkontrollsystem for forsking og innovasjon
Kvalifikasjonar
- Relevant utdanning på minimum bachelornivå
- Erfaring frå prosjektarbeid og/eller forskingsadministrativt arbeid
- Relevant erfaring frå helsetenesta er ein fordel
- Systemkunnskap og erfaring med saksbehandling og rapportering
- God kunnskap om og erfaring med bruk av IKT-verktøy, og evne til å ta i bruk aktuelle administrative verktøy
- God munnleg og skriftleg framstillingsevne i norsk og engelsk
Utdanningsretning
- Biologi
- Medisin
- Administrasjon/organisasjon/leiing
- Helsefag
Utdanningsnivå
- Høgskule/universitet, diplom-/ bachelorgrad
Personlege eigenskapar
Vi søkjer etter ein engasjert medarbeidar som kan arbeide sjølvstendig og strategisk, ta initiativ og vere ein pådrivar, og som har gode samarbeids- og kommunikasjonsevner. Vidare må ein ha god munnleg og skriftleg framstillingsevne på norsk og ha god digital kompetanse.
- Fleksibel og evne til å ha fleire ballar i lufta
- Løysingsorientert, heilskapstenkjande, strukturert og leveringsdyktig
- Vere brubyggar internt i organisasjonen og med eksterne partar
- Evne til å meistre korte tidsfristar og handtere høgt arbeidspress i periodar
- Evne til tverrfagleg samarbeid
- Ryddig, nøyaktig og strukturert
- Personlege eigenskapar vert vektlagd
Vi tilbyr
- Vi kan tilby ein variert og spanande arbeidsplass, der du får bidra i utviklingsarbeid og har rom for å utforme eigen arbeidskvardag
- Gode kollegaer og eit spanande miljø
- Løn etter avtale
- Gode pensjons- og forsikringsordningar
- Inkluderande arbeidslivsordning (IA-bedrift)
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på over 3,2 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor
- Offentlig
- Sted
- Svanehaugvegen 2, 6812 Førde
- Bransje
- Helse og omsorg
- Stillingsfunksjon
- Rådgivning
Nøkkelord
rådgjevar
Spørsmål om stillingen
- Kontaktperson
- Guro Mjanger
- Stillingstittel
- Seksjonsleiar
- Telefon
- 99 25 80 47
Svanehaugvegen 2, 6812 Førde