Spanande stilling i ein av landets mest populære festivalar
- Arbeidsgiver
- Vinjerock
- Stillingstittel
- Partnar- og økonomisjef
- Frist
- Snarest
- Ansettelsesform
- Fast
Drøymer du om å kombinerer festival, musikk og naturopplevelser? Vinjerock er ein av landets mest populære musikkfestivalar, med ein solid merkevare og lojale partanarar og samarbeidspartnarar som har vore med oss i mange år. No ønskjer me å utvikle attraktive konsept i samarbeid med både eksisterande og nye, då treng me ein dedikert, visjonær og ryddig partnar- og økonomisjef.
Som partnar- og økonomisjef har du ansvar for å følgje opp eksisterande og hente inn nye partnarar, i tråd med Vinjerock sine verdiar. Du elskar å finne spanande måtar å aktivere samarbeidet i knutepunktet mellom festivalen og partnar, og sørgje for at desse aktivitetane blir gjennomført. Du jobbar både opp mot privat næringsliv og andre aktørar det er naturleg for Vinjerock å samarbeide med.
Du er òg ansvarleg for å følgje opp den daglege økonomiflyten i festivalen, herunder mellom anna bilagshandsaming, oppfølging av rekneskapsbyrå, rapportering til styret og utarbeiding av budsjett saman med dagleg leiar. Du er òg glad i å søkje og rapportere på midlar, og ønskjer å finne ut korleis Vinjerock kan drivast på best mogeleg måte.
Så om du drøymer om å flytte nærare fjell og natur? Om å ha skiløyper, 2000-meterstoppar og stiar utanfor stovedøra? Om å ha ein inspirerande jobb i eit kreativt kontorfellesskap i fagre Vang i Valdres? Då er det deg me leitar etter. Få stillingar kombinerer festival, musikk og naturopplevingar som ein jobb i Vinjerock gjer.
Vinjerock har fem verdiområde med særleg fokus:
- Kultur- og naturglede
- Nynorsk
- Lokalt rotfeste
- Openheit
- Berekraft og inkludering
Me søkjer deg som:
- Har relevant utdanning, kompetanse og erfaring med økonomi og sponsorarbeid (relevant arbeidserfaring kan kompensere for manglande relevant utdanning)
- Tykkjer at tal er spanande, excel er din beste ven og du elskar gode system
- Er resultatorientert, kreativ og strukturert
- Trivst med ein variert arbeidskvardag med ulike oppgåver
- Brenn for å jobbe med våre viktigaste verdiar
Vinjerock har kontorplass i Vang og med vår lokale forankring er det også naturleg at vår partnar- og økonomisjef har kontorplass i vakre Vang i Valdres hele eller delar av året.
Me tilbyr:
- Spanande stilling i ein etablert og suksessrik festival
- Ein jobb med stor grad av påvirkningskraft og medvirkning til korleis Vinjerock skal utvikle seg og sjå ut.
- Arbeidsplass på Kontorfellesskapet 1724 i Vang i Valdres
- Ein fleksibel arbeidskvardag og eit godt arbeidsmiljø
- 100 % fast stilling
- Løn etter avtale
Me veit mangfald skapar betre resultat, og oppmodar alle kvalifiserte kandidatar til å søkje.
Spørsmål om stillinga kan rettast til dagleg leiar Guro Furunes Pettersen på mail eller på telefon.
Om arbeidsgiveren
Vinjerock er ein musikk- og friluftsfestival på Eidsbugarden i Jotunheimen. Festivalen har vore arrangert sidan 2006, og har vore utseld kvart år sidan 2009. Musikken er grunnmuren i festivalen, men turar, aktivitetar og lokalmatopplevingar er viktige brikker i totalopplevinga Vinjerock.
Nøkkelord
økonomi, sponsor, musikk, festival, arrangør
Spørsmål om stillingen
- Kontaktperson
- Guro Furunes Pettersen
- Stillingstittel
- Festivalsjef
- Mobil
- 91 75 11 35
Tyinvegen 5151, 2975 Vang i Valdres