Utløpt

Byggesaksbehandlar

Arbeidsgiver: Vang Kommune
Stillingstittel: Byggesaksbehandlar
Frist: 14.11.2022
Ansettelsesform: Fast

Spennande stilling som byggesaksbehandlar i Vang kommune. Stillinga høyrer heime i landbruk og teknisk etat.

Ved etaten er desse fagområda:

Eigedomsforvaltning og vegunderhald
Vatn og avløp
Arealplan
Byggesak
Klima, miljø og naturforvaltning
Jordbruk, skogbruk, vilt- og fiskeforvaltning
Landmåling, kart og GIS
Beredskap
For meir info om etaten, sjå: www.vang.kommune.no/tenester/landbruk-og-teknisk/
Kommunen nyttar nynorsk som målform

Arbeidsoppgåver

- Saksbehandling etter plan- og bygningsloven og anna relevant lovverk.
- Rettleiing av publikum.
- Førebu saker for politiske organ.
- Føring av bygningsinformasjon i kart og matrikkel.
- Tilsyn og oppfylging av tiltak.

Kvalifikasjonar

- Relevant utdanning på høgskule- eller universitetsnivå (til dømes innafor bygg og jus)
- Anna erfaring/kompetanse kan kompensere for manglande utdanning
- Ynskeleg med erfaring frå eller kjennskap til offentleg forvaltning
- Kjennskap til lov- og avtaleverk for arealforvaltning, byggesak og spreidt avløp
- God framstillings - og formidlingsevne
- Gode norskkunnskapar skriftleg og munnleg
- Gode datakunnskapar
- Søkar må ha førarkort klasse B og disponere bil
- Personleg eignaheit vil bli vektlagt

- Godkjent matrikkelføringskurs er ein fordel

Personlege eigenskapar

- Gjennomføringsevne, serviceinnstilt og løysningsorientert
- Evne til å skape god dialog
- Evne til å sjå saker i samanheng
- Evne til å arbeide sjølvstendig og saman med andre

Vi tilbyr

- Ei variert og utfordrande stilling
- Delta i utviklinga av ei spennande kommune
- Gode kollegaer, godt faglig og sosialt arbeidsmiljø
- Løn etter kvalifikasjonar og etter kommunen sitt løns- og stillingsregulativ
- Gode forsikrings- og pensjonsordningar
- Fleksibel arbeidstid

Om arbeidsgiveren

Vestlandsfjell og Austlandsklima er den slåande kombinasjonen som gjer Vangsnaturen unik. Når vangsgjeldingen i tillegg er kjent for eit godt lynne er resultatet ei fjellbygd av sjeldant godt merkje lengst vest i Valdres. I Vang finn du mykje av Jotunheimen, delar av Skarveheimen, fiskevatn, stølar, skiterreng, jaktterreng og all den plassen du kan ynskje deg av eit villmarksområde. Du finn også jordbruk, turisme og gründerar i eit levande og inkluderande bygdesamfunn. Vang er sentralt på ein litt usentral måte, det er 250 kilometer til både Oslo og Bergen og noko lenger til Trondheim. Altså er du midt i smørauget sør i Noreg i ein kommune som har framtidstru og satsar på gode kommunale tenestar på alle område: Nemnast kan nyrenovert skule med fleirbrukshall og eit rikt kulturliv.

Vang kommune er opptatt av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.

Vi gjer merksam på at søkarar kan få sitt namn gjort offentleg i søkarlista, sjølv om det er bedt om konfidensiell behandling. Du som søkar vil i tilfelle bli varsla på førehand om det.

Sektor: Offentlig
Sted: Tyinvegen 5161, 2975 Vang i Valdres