Vi søkjer sjølvstendig jurist som ynskjer variert arbeid innafor helse- og sosialavdelinga sine område

Om du har lyst og interesse for å jobbe med varierte juridiske oppgåver innafor helse- og omsorgsområdet, og samtidig er oppteken av rettstryggleiken for pasientar, brukarar og pårørande kan dette være rette stillinga for deg.

I jobben vil hovudarbeidsoppgåver være handsaming av rettsklagar, overprøving av tvangsvedtak, og tilsynssaker knytt til m.a. pasient- og brukarrettigheitslova, helsepersonellova og helse- og omsorgstenestelova. 

Du kan også få andre oppgåver innanfor avdelinga sitt ansvarsområde.

Vi bidreg til kvalitetsforbetring av tenestene gjennom formålstenlege tilsyn, rettleiing og opplæring, og har tett samspel med andre regionale og nasjonale myndigheiter og kompetansemiljø.

Hos oss får du jobbe saman med fleire andre juristar i et tverrfagleg miljø med legar, sjukepleiarar, vernepleiarar, sosionomar og andre yrkesgrupper. Vi er fagleg avhengige av kvarandre, og ynskjer å spele kvarandre gode. Det gir eit godt arbeidsmiljø.

Jobben er givande, utfordrande og spennande. Du får engasjerte og dyktige kollegaer som gir oppfølging og støtte.

• har master i rettsvitskap/juridisk embetseksamen.
• beherskar norsk godt, og kan uttrykke seg klart både munnleg og skriftleg
• evner å jobbe sjølvstendig med god fagleg kvalitet
• har god digital kompetanse

Vi vil legge vekt på at du

• er personleg egna for stillinga
• kan arbeide effektivt og systematisk innafor gitte fristar
• er fleksibel og trivest med varierte oppgåver
• har erfaring frå og /eller interesse for kommunal eller statleg forvaltning
• har ei positiv innstilling og er god i dialog med andre
• har gode samarbeidsevne og fungerer godt saman med andre fagpersonar i team

• ein utfordrande jobb i eit utviklande og godt fagmiljø
• eit juridisk miljø då avdelinga har 8 fast tilsette juristar
• deltaking på relevante kurs og fagsamlingar
• løn i stillingskode 1434 rådgivar med løn ut frå kvalifikasjonar, erfaring og lokal lønspolitikk.
• fleksibel arbeidstid og medlemskap og pensjonsordning i Statens pensjonskasse med gode forsikrings- og låneordningar. Frå løna vert det trekt 2 % pensjonsinnskott til pensjonskassa.
• tilsetting etter gjeldande lover, instruksar og reglement. Dei første seks månadane er prøvetid.

Utviklinga av organisasjonen vår er ein kontinuerleg prosess, og den som vert tilsett må rekne med å kunne bli tillagt andre oppgåver innanfor Statsforvaltaren og administrasjonsstaben sitt ansvarsområde.

Direktør Grete Teigland, tlf. 71258520, mob. 99 50 76 32 e-post: grete.teigland@fylkesmannen.no
Fagleiar Janne Bjørsnøs, tlf 71258536, e-post: fmmrjabj@statsforvalteren.no

Meir informasjon om Statsforvaltaren i Møre og Romsdal finn du på www.statsforvaltaren.no/mr (http://www.statsforvaltaren.no/mr)

Du må søkje elektronisk gjennom rekrutteringsportalen til Jobbnorge. Link til denne ligg på heimesida vår og på NAV sine sider. Vi ber om at du lastar opp vitnemål/ karakterutskrifter (gjerne direkte frå Vitnemålsportalen) og relevante attestar. 

Vi gjer merksam på at søkjarlista kan bli offentleg sjølv om søkjar ber om anonymitet jf. offentleglova § 25. Søkjar vil bli orientert om dette på førehand. Søkjarar som ønskjer å vere unntatt offentlegheit, må grunngje dette særskilt.

Vi meiner at inkludering og mangfald er ei styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi vil legge til rette for medarbeidarar som treng det. Aktuelle tilretteleggingar kan vere tekniske hjelpemiddel, tilpassing av møbler eller endring av rutinar, arbeidsoppgåver og arbeidstid.

Om det er kvalifiserte søkarar med funksjonsnedsetting, hol i CV-en eller innvandrarbakgrunn, vil vi kalle inn minst ein søkar i kvar av desse gruppene til intervju. For å bli vurdert som søkar i desse gruppene er det nokre krav som må oppfyllast. Du kan lese meir her (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0). Vi oppfordrar deg til å krysse av i jobbsøkarportalen om du har funksjonsnedsetting, hol i CV-en eller innvandrarbakgrunn. Eit slikt kryss vert brukt ved utarbeiding av anonymisert statistikk som alle statlege verksemder rapporterer i sine årsrapportar.