Faste stillingar som bioingeniør 

Vil du jobbe i eit utviklande arbeidsmiljø med spennande arbeidsoppgåver og hyggelege kollegaer? Vi søkjer engasjerte og dyktige bioingeniørar til faste stillingar ved avdelinga.

Avdeling for medisinsk biokjemi og farmakologi (MBF) er ein av i alt åtte einingar som er organisert under Laboratorieklinikken i Helse Bergen, og har omlag 350 tilsette. Avdelinga har 12 analytiske og 4 ikkje-analytiske seksjonar, tre legegrupper (seksjon for medisinsk biokjemi, Hormonlaboratoriet og seksjon for klinisk farmakologi), i tillegg til NAPOS, NOKLUS Vest og RELIS.

Vi utfører årleg om lag 8,5 millionar analysar innan fagområda medisinsk biokjemi og klinisk farmakologi. Arbeidet varierer frå store automatiserte instrument med store prøvemengder til manuelle metodar med få og tidkrevande analysar. I tillegg til ei omfattande rutinedrift som inneber døgnkontinuerleg vaktordning blir det drive forsking og utviklingsarbeid. Vi har aktiviteter i Laboratoriebygget, Gamle Hovedbygg, ved Kvinneklinikken og ved Barne og ungdomsklinikken. I tillegg til fleire prøvetakingseiningar på campus har vi ekstern blodprøvetaking i Zander Kaaes gate i Bergen sentrum og ved Region Nordhordland Helsehus (RNH) i Knarvik. Laboratoriet er akkreditert etter ISO standard 15189.

Stillingane er knytta til avdeling og ikkje spesifikt til ein fast seksjon. Rullering mellom seksjonar etter behov. Det er behov for bioingeniørar ved laboratoriet på Kvinneklinikken, Barne og ungdomsklinikken og i Laboratoriebygget. 

Vi søkjer deg som er ein lagspelar, som likar deg i eit aktivt og travelt miljø og som ønsker å bidra til eit godt arbeidsmiljø. Tillit, ansvar og sjølvstende er viktig for oss.

Aktuelle kandidatar verte kontakta fortløpande.

Arbeidsoppgåver

• Dei som blir tilsett må pårekne å utføre både analytiske og preanalytiske oppgåver
• Blodprøvetaking
• Alle bioingeniørar i grunnstilling må delta i vaktturnus

Kvalifikasjonar

• Norsk autorisasjon som bioingeniør
• Må meistre norsk munnleg og skriftleg på eit nivå som gjer deg i stand til å utføre aktuelle arbeidsoppgåver og kommunisere med kollegaer i arbeidssituasjonen
• Relevant erfaring med denne type arbeid vil vere ein fordel
• Personlege eigenskaper vil bli lagt vekt på

Personlege eigenskapar

• Må kunne arbeide både i team og sjølvstendig og effektivt organisere eigen arbeidsdag
• Positiv, hjelpsam, løysingsorientert og målretta
• Viser fagleg tryggheit, tillit og respekt
• Punktleg, påliteleg og ansvarsbevisst
• Kan arbeide systematisk i stressande situasjonar
• Trivast i eit dynamisk arbeidsmiljø
• Engasjement for fagfeltet og ønsker å vidareutvikle kompetansen din

Vi tilbyr

• Lønn i samsvar med gjeldande overeinskomst i Helse Bergen
• Spennande arbeidsoppgåver i eit triveleg arbeidsmiljø med kompetente og stolte medarbeidarar
• Fagleg og personleg utvikling

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.